Пушкӑртстан делегацийӗ Беларусь республикинче пулĕ

Декабрӗн 7-мӗшӗнчен пуҫласа 9-мӗшӗччен Пушкӑртстанӑн официаллӑ делегацийӗ Беларусь республикинче пулĕ. Кун пирки паян кашни эрнере пулакан оперативлӑ канашлура Республика пуҫлӑхӗ Радий Хабиров пӗлтернӗ.
"Беларусь пирӗншӗн экономика партнерӗ, машина тӑвас тата станок тӑвас, ял хуҫалӑх сферисенче питӗ тачӑ ҫыхӑнса ӗҫлетпĕр. Пирӗн хамӑр хушӑри хутшӑнусене сӳтсе явмалла, ҫирӗплетмелле ", - терӗ регион Пуҫлӑхӗ.
Ĕçлĕ çулçÿревре республикӑри 40 ытла компанийӗн представителӗсем хутшӑнӗҫ. Вӗсем хушшинче Пушкӑрт соди компанийӗ, "Башхим", Пелепейри "Автонормаль" завочĕ, "Салаватстекло", "Башинформсвязь", "Стеклонит", "Искож" компанисем.
Пушкӑртстан предпринимателĕсем Беларуҫри ял хуҫалӑх енӗпе ӗҫлекен ӗҫтешсемпе, Беларуссинче туса кăларнă ял хуҫалӑх техникине Пушкӑртстан Республикине тăратассине, куравпа ярмарка мероприятийӗсене ирттерессине тата регионсем хушшинче пӗрле ĕçлессине сÿтсе явĕҫ.
"Башинформ" информацийĕпе.