Пушкӑртстан хӑйӗн представительствине Китайра уҫма палӑртать

Пушкӑртстан хӑйӗн представительствине Китайра уҫма палӑртать, пӗлтернӗ республика правительствин премьер-министрӗ Андрей Назаров Уфара иртекен «Пӗтӗм тӗнчери бизнес эрнинче».

"Эпӗ халӗ хӑҫан пулнин кунне калама пултарнӑ пулӑттӑм, анчах та республика Пуҫлӑхӗ манран ыйтĕ: "Мӗншӗн эсӗ датӑна калатӑн, манпа ҫирӗплетмесĕр?" Ҫавӑнпа эпӗ ӑна каламастӑп. Ку ҫывӑх вӑхӑтра пуласса шанатӑп. Китай тавар ҫаврӑнӑвӗпе пирӗн стратегилле партнер шутланать, паллах, ҫакӑ пире пӗр-пӗринпе ҫыхӑнса ӗҫлеме, ҫывӑх пулма пулӑшать. Эпир ӗнтӗ темиҫе представительство уҫрӑмӑр. Сӑмахран, пирӗн Австрире, Казахстанра, Беларуҫра представительство пур. Пушкӑртстан представительствине уҫни ҫитес ҫулах пулма пултарӗ тесе шутлатӑп", — тенӗ Андрей Назаров "Пӗтӗм тӗнчери коопераци эрнин" «Международная кооперация. Открывая мир каждому» пленарлӑ ларăвĕнче.

"Башинформ" пӗлтернӗ тӑрӑх, Пушкӑрт тӗп хулинче декабрӗн 15-мӗшӗнчен пуҫласа 18-мӗшӗччен «Пӗтӗм тӗнчери бизнес эрни-2021. Малашлӑха инвестицисем хывасси» форум иртет. Ӗҫ программи экономикӑна, экспорта, инвестицисене, медиа, ҫавӑн пекех ШОС тата БРИКС хутшӑнакан ҫӗршывсенчи пӗчӗк тата вӑтам предпринимательлӗхе  халалланӑ.  

«Башинформ» информацийĕпе.

Сăнÿкерчĕкĕ: Валерий Шахов.