Пушкӑртстан çыннисене кӑрлачӑн 18-мӗшӗнчен пуҫласа каллех туризм кешбэкӗ кӗтет

Раҫҫейпе кӑмӑллӑ ҫулҫӳревсен программи 2022 ҫулта малалла ӗҫлет, пӗлтерет ПР Правительствин пресс-служби.

"Туризм кешбэкӗн" условийӗсем унчченхи пекех юлаҫҫӗ: туристсене банк картти ҫине тур тата пурăнма кайнă расхутсен хакӗнчен 20 процентне (чи пысăк сумма 20 пин тенкӗ) тавӑрса параҫҫӗ. Кирлӗ услови: çулçÿреве "МИР" карттӑпа тӳлемелле.

— Тепӗр эрнере апрелӗн 12-мӗшӗччен тӑсӑлакан черетлĕ суту-илӳ тапхӑрӗ шучӗпе пиллӗкмӗш хута кайӗ. Программӑна икӗ каҫран пуçласа гостиницӑра çĕр каçасси тата пурӑнасси хутшӑнать. Апрелӗн 30-мӗшӗччен кирек хӑш регионта та кану суйласа илме, навигаци пуҫланнӑранпа тата июнӗн 1-мӗшӗччен круиза кайма пулать, — каласа парать ПР Туризм тĕлешпе ĕçлекен патшалӑх комитечӗн председателӗн тивĕçĕсене пурнăçлакан Ринат Фаткуллин.

2021 ҫулта Пушкăртстан Раҫҫейри «курортсӑр» регионсем хушшинче санаторие сутнӑ путевкӑсен шучӗпе лидер пулса тӑчӗ. Программӑна 24 гостиницӑпа 6 туроператор хутшӑннӑ, Раҫҫейри 63 туроператор Пушкӑртстан Республикине 120 тур тӑратнӑ.

Хӗрӳ лини телефонӗсем: 8 800 444-31-27 (туристсемпе операторсем валли), 8 800 100-54-64 (енчен те укçана тавăрса паман пулсан).

https://resbash.ru/news/puteshestviya/

Сăнÿкерчĕкĕ: архивран.