Пушкӑртстан экономикинче лайӑх тренд палӑрнӑ

2021 ҫул пӗтӗмлетӗвӗсем тӑрӑх Пушкӑртстанра инвестици хастарлӑхӗн кал-кал аталанӑвне кӗтеҫҫӗ. Кун пирки ПР правительствин премьер-министрӗ Андрей Назаров ертсе пынă канашлура вице-премьер, ПР экономика аталанăвĕпе инвестици политикин министрĕ Рустам Муратов пӗлтернӗ.

Вӑл Пушкăртстан экономика аталанӑвӗн тӗп оперативлӑ пӗтӗмлетӗвӗсене пӗлтернӗ.

"11 уйӑх хушшинче эпир экономикӑн тӗп секторӗсене юсаса ҫӗнетессине куратпӑр, ҫакӑ предприятисенчи лару-тӑрӑва лайӑхлатасси ҫинчен калать. Промышленноҫ секторӗнче ӳсӗм -—106%. Промышленность отраслӗсен пысӑк пайӗ паха динамикӑпа палӑрать. Тирпейлекен производствӑсенче ӳсӗм 107% танлашнӑ. Ҫав шутра нефть продукчӗсем туса кӑларассинче пӗлтӗрхи шая тухнипе пĕрех, ноябрьте ӳсӗм 114 процентпа танлашнӑ. Эмел хатӗрӗсен производствинче — 2,4 хут, металлургире — 120 процента яхӑн", — тенӗ Рустам Муратов.

Вӑл продукци производствипе тӑкакӗсене йӗркене кӗртесси предприятисен финанс тӑрӑмне самаях лайӑхлатассине палӑртрӗ. Сӑмахран, январь–октябрьте экономикӑра туса илнӗ тупӑша 2,7 хут — 296,4 миллиард тенкӗ таран ӳстернӗ, ҫакӑ "пандемичченхи" кӑтартусенчен 1,3 хут пысӑкрах.

Инвестици калӑпӑшӗпе тӗп капитала организацисен пӗтӗм йышӗпе финансировани ҫӑлкуҫӗсен шучӗпе, министр каланӑ тӑрӑх, япӑх тренда пӗтерме май килнӗ. 9 уйӑх пӗтӗмлетӗвӗсем тӑрӑх укҫа-тенкӗ ӳсӗмӗ 3,6% танлашнӑ, вӗсен пӗтӗмӗшле калӑпӑшӗ— 244,4 миллиард тенкӗ.

 «Башинформ» информацийĕпе.