Пушкӑртстанра 2021 ҫул пӗтӗмлетӗвӗсем тӑрӑх самозанятăйсен шучӗ 77 пин таран ӳснӗ

Федераци налук службин кӑтартӑвӗсем тӑрӑх, 2022 ҫулхи кӑрлач уйӑхӗн 1-мӗшӗнче Пушкӑртстан Республикинче професси тупӑшĕнчен налук тӳлекен 77 пин субъекта регистрациленĕ.

2020 ҫулхипе танлаштарсан, кӑтарту 48 пин единица чухлӗ ӳснӗ, пӗлтернӗ регион правительствин сайтӗнче. 2021 ҫулта Пушкӑртстан Республики вак тата вӑтам предпринимательлӗх субъекчӗсене пулӑшнипе наци проекчӗ шучӗпе самозанятăйсем 2,2 хут нумайрах пулнă. Ку кӑтартӑва патшалӑх пулӑшӑвӗн мерисене пула çĕнсе илнĕ. Тӗслӗхрен, пӗлтӗр муниципалитет субсидийӗсене, микрокредит компанийӗ ҫӑмӑллатнӑ ставкӑпа 7,2 млн тенкӗ чухлӗ заявка ҫырса хатӗрленӗ.

"Манӑн бизнес" центрӗ 971 хӑйсем тӗллӗн ĕçлекенсене информаципе консультаци пулӑшу ӗҫӗсем туса панӑ. 2021 ҫулта Пушкӑртстанра самозанятăйсем "Манӑн бизнес" Центр вӗренӳ, акселераци мероприятийӗсене хутшӑннă. Сӑмахран, Халӑхпа художество промышленноҫӗсен тата алӑсти ӗҫ-хӗлӗн центрӗн планӗпе 66 мероприятие 927 самозанятнӑйпа ирттернӗ.

Ҫавӑн пекех ҫулталӑк пӗтӗмлетӗвӗсем тӑрӑх хăйсем тĕллĕн ĕçлекен 60 ытла ӑстаҫӑ патшалăх пулӑшнипе Раҫҫей тата пӗтӗм тӗнче шайĕнчи конгреспа курав мероприятийӗсене тӳлевсӗр хутшӑнма май илнӗ. Вӗсен хушшинче — "Иван-да-Марья" фестиваль, "Ладья. Хӗллехи юмах-2021 фестиваль», "Ҫӗнӗ ҫул парнисенӗн ярммăркки". Пушкӑртстанри 70 ӑстапа ӑстаҫӑ çинчен каласа паракан Каталог кӑларнӑ.

Самозанятăй граждансене пулӑшас ӗҫ 2022 ҫулта малалла пырать. Сӑмахран, Пушкӑрт микрокредит компанийӗ микрозаймсене, Регионти гаранти фондне — поручительсене уйӑрса памалли майсене пӑхса хӑварнӑ. Кӑҫалхи хушма хуҫалӑхсене аталантарас енӗпе ӗҫлекенсем патшалӑхран субсиди илме пултарӗҫ.  

«Башинформ» информацийĕпе.

Сăнÿкерчĕкĕ: Карина ПАВЛОВА (архивран).