Радий Хабиров: Казахстан халӑхӗ аталану ҫулне тӗрӗс суйласа илесси пирки эпир пӗртте иккӗленместпĕр

— Казахстанра паллӑ событисем пуҫлансан эпир хамӑр ӗҫтешсемпе ҫыхӑнтӑмӑр, вӗсене ӑнӑҫу, вӑй сунтӑмӑр, — терӗ Пушкӑртстан Пуҫлӑхӗ паян, пирӗн республикӑпа Казахстан хушшинчи ҫыхӑнӑва аталантарас енӗпе ӗҫлекен ӗҫ ушкӑнӗн ларӑвӗ вӗҫленнӗ хыҫҫӑн ыйтусене хуравланӑ май.

"Казахстан халӑхӗ аталану ҫулне тӗрӗс суйласа илесси пирки эпир пӗртте иккӗленмерӗмӗр. Ҫӗршыв ертӳлӗхӗ Касым-Жомарт Кемелевич Токаев ертсе пынипе тӗлӗнмелле ҫирӗплӗх кăтартрӗ", — палӑртрӗ регион Пуҫлӑхӗ.

Вӑл каланӑ тӑрӑх, Пушкӑртстанпа Казахстан хушшинчи тавар ҫаврӑнӑшӗн динамики ҫулсерен ӳссе пырать.

"Пӗлтӗр, тулашри рыноксем шыранӑ чухне, Казахстанпа суту-илӳпе экономика хушшинчи хутшӑнусене аталантарма вӑй-хӑват питӗ пысӑк пулнине куртӑмӑр. Пирĕн делегаци Казахстана кайса килнӗ хыҫҫӑн тата Казахстан партнерĕсем пирӗн пата килнӗренпе эпир ҫав ӗҫ-хӗле тарӑнлатрӑмӑр. Пирӗн вак тата вӑтам бизнес сферинче хастар хутшӑнса ӗҫлени, пӗрлехи пысӑк инвестици проекчӗсене пурнӑҫлама тытӑнчӗ. Ҫакӑ пирӗншӗн питӗ кирлӗ".

 «Башинформ» информацийĕпе.

Сăнÿкерчĕкĕ: Олег Яровиков.