Пушкӑртстанпа Узбекистанри хурт-хӑмӑр ӑстисем килӗштерсе ĕçлесси ҫинчен калаҫса татӑлнӑ

Ташкентра иртнӗ регионсем хушшинчи пӗрлешӳ Форумӗ шайӗнче пушкӑрт тата узбек хурт-хăмăрçисем пӗр-пӗринпе килӗштерсе ĕçлесси ҫинчен калаҫса татӑлнӑ. Кун пирки ПР Правительствин пресс-служби пӗлтерет.

Килӗшӳ Пушкӑртри "Алтын Солок" АНОпа Узбекистанри хурт-хӑмӑр ӑстисен Ассоциацийӗ тунӑ. Пӗр-пӗринпе килӗштересси ҫинчен ҫавӑн пек килӗшӗве Ташкент хурт-хăмăрçисен Ассоциацийӗпе те алӑ пуснӑ.

— Пире, Раҫҫейри пыл хурчӗсем ĕрчетекен чи пысӑк регионӗ пулнă май, Узбекистанра хурт-хӑмӑр ӗрчетес ӗҫе аталантармалли опыт кӑсӑклӑ, —палӑртрӗ ПР правительствин премьер-министрӗн заместителӗ, ялхуçалăх министрĕ Ильшат Фазрахманов. — Кунта пилӗк ҫул хушшинче пыл туса кӑларакан хурт-хӑмӑр йышне икӗ хут ӳстерме пултарнă. Ҫав вӑхӑтрах пирӗн республикӑра хурт-хӑмӑр ӗрчетес ӗҫре наука селекцийӗ лайӑх аталаннӑ, ҫав шутра ДНК-анализпа та, узбек ĕçтешĕсене пирӗн опыт кӑсӑклантарчӗ.

https://resbash.ru/news/ekonomika