Уфара "Пушкӑртстанӑн чи лайӑх таварӗсем-2022" конкурс ҫӗнтерӳҫисене чыслӗҫ

67 предприяти продукципе пулӑшу ӗҫӗсен 118 тӗсӗ кӑҫал "Пушкӑртстанри чи лайӑх таварсем" конкурс ҫӗнтерӳҫисен ятне тивӗҫнӗ тата хӑйсен продукцине логотиппа маркăлама ирĕк илнӗ. Регионти тапхӑра ӑнӑҫлӑ иртнисен федераци шайӗнче хӑйсем ҫинчен пӗлтерме май пулать.
Федерацин "Раҫҫей чи лайӑх таварӗсем" программин 25 ҫул хушшинче республикӑри предприятисем регионпа федераци тапхӑрӗнче 4 пин таварпа пулӑшу ӗҫӗсем туса хатӗрленӗ.
2021 ҫулта Пушкӑртстанри 60 предприяти регион тапхӑрӗнче ҫӗнтернӗ, 43-шне "Раҫҫейри чи лайӑх 100 тавар" Программӑн дипломӗсемпе тата конкурсӑн аслӑ наградисемпе наградӑланӑ: "Пахалӑх лидерӗн" призне Республикӑри кардиологи центрĕ, "Халӑх промысли" - "Салават" ателйи тивӗҫнӗ. Продукципе пулӑшу ӗҫӗсен тӑватӑ тӗсӗ Раççейри чи лайӑххисенчен чи лайӑххисем пулса "Ылтӑн сотньӑна" кӗнӗ.
"Башинформ" информацийĕпе.