Пушкӑртстанра ҫулталӑк пуҫланнӑранпа 24 пин ҫын самозанятăй пек йӗркеленӗ

Июнӗн 1-мӗшӗнче Пушкӑртстанра 115 пин ытла харпӑрҫӑ регистрациленӗ. 2022 ҫул пуҫламӑшӗнчен ҫакӑн пек статуса илме 24 пин ҫын — куллен 150 ытла ҫын — пынӑ, пĕлтернĕ ПР УФНС.

Харпӑрҫӑ йышӗнче тӗпрен илсен 18 ҫултан пуҫласа 35 ҫула ҫитнӗ ҫамрӑк ҫынсем — вӗсен пӗтӗмӗшле йышӗнчен 56 процентран ытла, 35 ҫултан пуҫласа 65 ҫула ҫити – 41%. Чи ҫамрӑк налук тӳлекен — 14 ҫулта, чи ватти — 84 ҫулта.

Харпӑрҫӑсен ытларах турттарас, маркетинг тата реклама, строительство сферинче пулӑшу кӳреҫҫӗ, парикмахерскисемпе илемлĕх салонӗсем пулăшу параççĕ, хӑйсен производствин продукцине сутаҫҫӗ.

«Башинформ» информацийĕпе.

Сăнÿкерчĕкĕ: ПР УФНС.