Пушкӑрт ял хуҫалӑх производителӗсем Мускаври гастрономи фестивалӗнче хӑйсен продукцине кӑтартӗҫ

Июлӗн 14-мӗшӗнчен пуҫласа 1 -мӗшӗччен Мускавра "Вкусы России" гастрономи фестивалӗ иртӗ. Унта ҫӗршыври 65 регионтан 300 бренда яхӑн хутшӑнӗ. Вӗсем хушшинче - Пушкӑртсен наци бренчӗсем. Республикӑри ял хуҫалӑх производителӗсем йӑлана кӗнӗ пек пыл продукцийӗ, курӑк чейӗ, талкан, аш-какай сӑйлавӗсем тӑратаҫҫӗ, кун пирки республикӑри Ялхуçалăх министерствин пресс-служби пӗлтерет.

Мероприяти тӗп хулара 22 площадкӑра иртӗ, фестивалӗн тӗп зонисенчен пӗри Горький паркӗнче уҫӑлӗ. Ярмаркӑсӑр пуҫне кунта фуд-корт, пултарулӑх, ремесла тата кулинари мастер-класӗсем, артистсен выстурленийĕсем тата ытти те йӗркелĕҫ.

Раҫҫей Ял хуҫалӑх министерстви Мускав правительстви пулӑшнипе йӗркеленӗ гастрономи фестивалӗ федераци министерстви Раҫҫей президенчӗ хушнипе 2020 ҫултанпа пурнӑҫлакан регионти апат-ҫимӗҫ брендне малалла тӑсмалли анлӑ программӑн черетлӗ тапхӑрӗ пулса тӑрать.

 «Башинформ» информацийĕпе.

Сăнÿкерчĕкĕ: ПР Ялхуçалăх министерстви.