Радий Хабиров: 2022 ҫулта ял территорийӗсене аталантарма 2,26 миллиард тенкӗ уйӑрнӑ

Пушкӑрт Пуҫлӑхӗ хӑйӗн социаллă сетӗнче федераци программине регионта мӗнле пурнӑҫланни ҫинчен каласа панă.
Республикӑра территорисене тирпей-илем кӗртес енӗпе пысӑк ӗҫ ирттереҫҫӗ. Федераци укҫи-тенкине явӑҫтаракан тата хуласемпе ялсенче йӗркелекен тӗп программа пур - "Ял территорийӗсене комплекслӑ аталантарасси".
2022 ҫулта республикӑра ун валли 14 млн тенке яхӑн уйӑрнӑ. Программа шайӗнче пурӗ ҫичӗ ҫул-йӗр. Ҫав шутра - 68 объект тăваççĕ, вӗсем валли 2 миллиард та 263 млн ытла тенкӗ пӑхса хӑварнӑ.
Кӑҫал Пушкӑртстан "Ял территорийӗсене комплекслӑ аталантарасси" программа тӑрӑх федераци бюджетӗнчен уйӑрнӑ укҫа-тенкӗ калӑпӑшӗпе иккӗмӗш вырӑн йышӑнать. Унта хастар хутшӑнни халӑха кирлӗ объектсем тума тата ял ҫыннисен пурнӑҫне хӑтлӑрах тума пулӑшать.
"Башинформ" информацийĕпе.
Сăнÿкерчĕкĕ: Радий Хабировӑн социаллă сетĕнчен.