Пушкӑртстанра ҫурта газификацилеме сертификатсен номиналне пур ҫӑмӑллӑхҫӑсемшĕн те 100 пин тенке яхӑн тăвĕç

Пушкӑртстанра инвалидсем, инвалид-ачасене воспитани паракан ҫемьесем тата нумай ачаллӑ ҫемьесем, пурӑнмалли чи пӗчӗк виҫе пысӑкӑшӗнчен вӑтам тупӑш илекенскерсем, газа кĕртме 100 пин тенкӗлӗх сертификат илме пултарӗҫ. Кун пирки Пушкӑртстанри строительствӑпа архитектура министрĕн ĕçне пурнăçлакан Егор Родин пӗлтернӗ. Аса илтеретпӗр, халӗ ку категорире ҫӑмӑллӑх паракансен пулӑшӑвӗн сумми 75 пин тенкӗпе танлашать. Тӑван Ҫӗршывӑн Аслӑ вӑрҫин участникӗсемпе инваличӗсене тата ҫапӑҫусен инваличӗсене 100 пин тенкӗлӗх сертификатсем параҫҫӗ.
Сертификат илмелли правӑпа усӑ курас тесен Пушкӑртстанра пурӑнакансен ҫывӑхри "Газпром газораспределение Уфа" офисне каймалла – унта специалистсем ҫуртсене газ сечӗсемпе ҫыхӑнтарма техника майӗ пуррипе ҫуккине тата ҫыхӑнтарма договор туса хатӗрлеç. Кайран, договорпа тата кирлӗ документсен пакетне туса, халӑха социаллӑ пулӑшу паракан центра е МФЦ офисне ямалла.
"Башинформ" информацийĕпе.