Пушкӑртстанра икӗ ҫӗвӗ фабрикине ҫӗнетеççĕ

Пушкӑрт промышленноҫпа энергетика министрӗ Александр Шельдяев соцсетьсенче каланӑ тӑрӑх, "Инвестчасра" "Фемина" ООО тата "Фортуна" ОООна модернизацилемелли проектне ырланӑ.
2021 ҫулта ҫӗвӗ фабрикисене модернизацилемелли проектӑн пӗрремӗш тапхӑрне вӗҫленӗ. Ҫуртсене юсанӑ, оборудованисене ҫӗнетнӗ. Инвестпроектӑн иккӗмӗш тапхӑрне 2024 ҫул вӗҫлениччен вӗҫлеҫҫӗ.
- Инвестицисен пӗтӗмӗшле калӑпӑшӗ 66,7 млн тенкӗ, 130 ӗҫ вырӑнне упраса хăварнă. Фабрикӑсем MADYART компанисен ушкӑнне кӗреҫҫӗ, цехсем Уфара, Бирскра тата Салаватра вырнаҫнă, ача-пӑча тата ҫитӗннисен тумтирĕ кӑлараҫҫӗ, - ӑнлантарнă министр.
Александр Шельдяев тата производитель республикӑри пулӑшу мелӗсемпе хастар усӑ курнине палӑртнӑ.
"МГ" информацийĕпе.