Раҫҫей регионӗсем ҫӗнӗ шкул автобусӗсемпе васкавлӑ пулӑшу машинисем илӗҫ

Раҫҫей правительстви 2022 ҫул вӗҫлениччен ҫӗршыври регионсене 1000 ҫӗнӗ шкул автобусĕ тата васкавлӑ пулӑшу памалли 900 машина хушма уйӑрӗ. Кун пирки РФ премьер-министрӗ Михаил Мишустин пӗлтернӗ.
Асӑннӑ тӗллевсем валли çичĕ миллиард ытла тенкӗ пӑхса хӑварнӑ. Патшалӑх заказне пурнӑҫлама Раҫҫейри автопроизводительсене палӑртнӑ.
Транспорт хатӗрӗсем 2023 ҫулхи I кварталта регионсене лекессине палӑртнӑ.
"Ку ҫынсемшӗн медицина пулӑшӑвӗпе усӑ курмалли майсене ӳстерет, ачасем вара хӑтлӑ та хӑрушлӑхсӑр шкул патне ҫитме пултараҫҫӗ", - тесе палӑртнӑ Михаил Мишустин.
"Башинформ" информацийĕпе.
Сăнӳкерчӗкĕ: Олег Яровиков.