Пушкӑрт Ял хуҫалӑх министерстви турккӑсен компанине пĕрле элеваторсем тума сӗннӗ

Пушкӑрт ялхуҫалӑхӗнче турккӑсен "Ittifak Holding CO" компанийӗн представителӗсемпе тӗл пулнӑ, вӑл ҫӑнӑх, кӗрпе тата ҫӑнӑх изделийӗсем кӑларассипе специализациленет. Унта республикӑри аналоглӑ профиль компанийӗсен ертӳҫисем те пулнӑ. Хутшӑну вӑхӑтӗнче республика территорийӗнче производствӑна локализацилес ыйтусене сӳтсе явнӑ, пӗлтернӗ ведомство пресс-службинче.
"Эпир пӗрле ӗҫленӗшӗн хавас, унӑн кӑтартӑвӗ республикӑра тырра тирпейлемелли ҫӗнӗ производство тухӗ тата хальхи производствăсен хӑвачӗ ӳсӗ. Тепӗр ҫул эпир вунă элеватортан кая мар тума планлатпӑр. Вӗсенчен пӗр пайне сирӗнпе пӗрле туса лартсан - ку чи лайӑх реклама пулать", - тенӗ ПР вице-премьерĕ ял хуҫалӑх министрӗ Ильшат Фазрахманов.
Турккӑсен компанийӗн ертӳҫисем презентаци ирттернӗ, темиҫе вариант пӗрле ӗҫлеме сӗннӗ.
"Башинформ" информацийĕпе.