Раҫҫейре ҫӗрулмипе пахча ҫимӗҫ туса илекенсене 2023 ҫулта 5 миллиард тенкӗ уйӑрӗҫ

Раҫҫей Ял хуçалăх министерстви ҫӗрулмипе пахча ҫимӗҫ туса илессине хавхалантарас енӗпе федераци проектне пурнӑҫлама тытӑнать. Кӑҫал унӑн укҫи-тенки 5 млрд тенкӗпе танлашать, ҫакӑ 2022 ҫулта палӑртнӑ ҫул-йӗртен 2 хут нумайрах. Пулӑшу 76 региона пулӗ, ҫав хушӑрах субъектсем илекенсем валли укҫа-тенкӗ аванслӗҫ.
Туса кăларнă продукцийӗн пӗр пайӗ валли субсидисем пысӑк тата пӗчӗк формӑллӑ хуҫалӑхсем илме пултараҫҫӗ. Ҫав вӑхӑтрах фермерсемшӗн тавар производствине гектар пулӑшӑвӗ те сыхланса юлать.
Пысӑк пӗлтерӗшлӗ ҫӗнӗлӗхсенчен пӗри туса илнĕ продукцие сутнă чухне ятарлӑ налук режимӗпе усӑ куракан хушма кил хуҫалӑхсене паракан пулӑшу пулса тӑрӗ. Ӑна ҫӗршывӑн 32 регионӗнче ял хуҫалӑх таварӗсем туса илекенсене парӗҫ. Пӗтӗмӗшле илсен, ҫак ҫул-йĕре 500 млн тенкӗ йӗркепе пӑхса хӑварнӑ, ҫакӑ пӗтӗмӗшле лимитӑн 10% танлашать.
РФ Правительстви субсидисене уйӑрса памалли правилӑсене ҫирӗплетнӗ ӗнтӗ. Министерство мероприятисен пӗтӗм комплексне пурнӑҫлани 2025 ҫул тӗлне организациленӗ секторта ҫӗрулми производствин калӑпӑшне 7,5 млн тонна, уҫӑ тӑпрари пахча ҫимӗҫе – 5,9 млн тонна таран ӳстерме май парасса кӗтет.
"Башинформ" информацийĕпе.
Сӑнӳкерчӗкĕ: архивран.
Валерий Шахов.