Пушкӑрт Çӗрпе пурлӑх хутшӑнӑвӗсен министерстви регион бюджетне 13,5 миллиард тенкӗ кӗнине тивӗҫтернӗ

Республика питӗ ансат мар ҫулталăка тивӗҫлипе иртнӗ. Эпир экономикӑна чакарма памарӑмӑр. Ҫынсем майлӑ пулăпăр, социаллӑ обязательствӑсене пурне те пурнӑҫлăпăр, тенӗ Пушкӑртстан Пуҫлӑхӗ республикӑри Çӗрпе пурлӑх хутшӑнӑвӗсен министерствин коллегийӗнче 2022 ҫул пӗтӗмлетӗвӗсем тӑрӑх.
Пӗрлештернӗ бюджет тупӑшӗсем 330 миллиард тенке яхӑн пулнă, вӗсенчен налукпа налук мар тупӑшсем – 231 миллиард, ÿсĕм 28,8 миллиард е 14,2% чухлӗ.
"Сирӗн министерство бюджета 13,5 миллиард тенкӗ кӗнине тивӗҫтернӗ. Ку вӑл 2021 ҫулпа (5 238 миллиард тенкӗ) танлаштарсан, 8,3 млрд ытла. Промышленноҫ 2,7% ӳснӗ. Пирӗн аграрисем 5 млн тонна ытла тырӑ пухнӑ. Малашне те ҫавӑн пек результатсем тӑвас, малта пыракансен позицисене сыхласа хӑварас тесен пирӗн пур ресурссене те хастар ӗҫе кӗртмелле. Сирӗн министерствӑн стратегилле пӗлтерӗшлӗ ҫул-йӗрсем, программӑсем, проектсем енӗпе ӑнӑҫлӑ татса памалли задачӑсене тивӗҫтермелле", - тенӗ Радий Хабиров.
2023 ҫулхи министерствӑн тӗп тӗллевӗсенчен пӗри, республика ертӳҫи шучӗпе, ялхуҫалӑх пӗлтерӗшлӗ ҫӗрсене инвентаризацилесси тата хальлӗхе усӑ курман пӗтӗм анана ҫаврӑнӑша кӗртесси шутланать. Республикӑра халӗ вĕсем 165 пин ытла гектар. Радий Хабиров каланӑ тӑрӑх, ҫӗр ӗҫлемелле, унӑн кашни гектарне шута илмелле.
https://www.bashinform.ru/news/economy/2023-02-07/minzemimuschestvo-bashkirii-obespechilo-postuplenie-v-byudzhet-regiona-13-5-mlrd-rubley-3133533

Сӑнӳкерчӗкĕ: Олег Яровиков.