Пушкӑрт автотранспортне газ ҫине куҫарма 89 млн тенкӗ уйӑрнӑ

2023 ҫулта Пушкӑртстанра газомоторлӑ топливӑпа усӑ курма федераци бюджетӗнчен автотранспорт хатӗрлеме укҫа-тенкӗ калӑпӑшне 1,5 хут 89,3 млн тенкӗ таран ӳстернӗ. Кун пирки Пушкӑртстанри премьер-министр Андрей Назаров пӗлтернӗ. Ыйтӑва республика правительствинче сӳтсе явнӑ.
Премьер-министр палӑртнӑ тӑрӑх, республика бюджетӗнчен газозаправка станцийӗсем тӑвас енӗпе инвестици проекчӗсене пурнӑҫлакан компанисене субсиди параҫҫӗ. "Башинформ" пӗлтернӗ тӑрӑх, пӗлтӗр Пушкӑртра газ заправкисем тунӑ ҫичӗ компани республика бюджетӗнчен 360 млн тенкӗлӗх пулӑшу илнӗ.
Пушкӑрт промышленноҫ министрӗ Александр Шельдяев республикӑра АГНКС вырӑнӗсен географийӗ тӗп хуларан периферие сарӑлнине палӑртнӑ. Строительство вырӑнне суйланӑ чухне инвесторсем чи малтан станцие тиес ӗҫ малашлӑхӗ ҫине пӑхаҫҫӗ, муниципалитетсен хастарлӑхӗ кунта сахал мар вырӑн йышӑнать.
Премьер-министр хуласемпе районсен администрацийӗсен пуҫлӑхӗсене ҫак ыйтӑва хӑйсене тӗрӗслесе тӑма хушнӑ. Техникӑна газ ҫине куҫарнӑ чухне экономика тупӑшне шутлама, ҫавӑн пекех уйрӑм бизнесӑн хавхаланулӑхне йӗркелеме е асӑннӑ профильпе патшалӑх корпорацийӗ тума май пуррине пӑхса тухма министерствӑна хушнӑ.
https://www.bashinform.ru/news/economy/2023-03-06/bashkirii-na-perehod-avtotransporta-na-gaz-vydeleno-89-mln-rubley-3167720