Пушкӑрт аграрийӗсем Ирана тырӑ тата ӳсентӑран ҫӑвӗ тăратма палӑртаҫҫӗ

Пушкӑртстан влаҫӗсем пуш уйӑхӗн 11-мӗшӗнчен пуҫласа 14-мӗшӗччен Ирана кайса килнĕ тапхӑрта пулса иртнӗ ӗҫе тĕпе илсе Раҫҫей регионӗнчен ӳсентӑран ҫӑвӗпе тырӑ тӑратасси ҫинчен калаҫса татӑлни çинчен Пушкӑрт правительствин премьер-министрӗн Андрей Назаровăн сӑмахӗсене "Интерфакс" пĕлтерет.

Премьер каланӑ тӑрӑх, Иран енӗпе сотрудничествăн нумай ҫул-йӗрне палӑртнӑ. Агропромышленность секторӗн шайӗнче Ирана ӳсентӑран ҫӑвӗ лартассине сӳтсе явнă.

"Халӗ тӳлев механизмӗсемпе калаҫу пырать. Пӗтӗмӗшпе илсен, эпир унта 100 пин тонна ҫу яма пултарнине ӑнланатпӑр. Иккӗмӗш çул-йĕр -тырӑ", - тенӗ вӑл.

Сӑмахран, Пушкӑртран Ирана хӗвелҫаврӑнӑш тата рапс ҫӑвӗпе урпа тӑратасси ҫинчен сӑмах пырать, унпа ытларах выльӑх апачӗ тума усӑ кураççĕ.

Иранпа килӗштерсе ӗҫлесси Афганистан, Пакистан тата Ирак йышши ҫӗршывсен рынокӗсене пушкӑрт продукцийӗ тухассине ҫӑмӑллатнине палӑртнӑ Андрей Назаров.

https://mgazeta.com/news/novosti/2023-03-21/bashkirskie-agrarii-planiruyut-postavlyat-v-iran-zerno-i-rastitelnoe-maslo-3186076

Ҫӑлкуҫĕ: Интерфакс.