Пушкӑрт Пуҫлӑхӗ чикӗ леш енчи ҫӗршывсенчи республика бизнес-миссийӗн результачӗсем ҫинчен каласа панă

Икӗ ҫул хушшинче Пушкӑрт предприятийӗсем 29 млн долларлăх ют ҫӗршыври партнерсемпе 33 контракт тунӑ. Казахстанра, Беларуçьре, Узбекистанра, Турцире пирӗн предприятисем бизнес-миссийӗсене хутшӑннин кӑтартӑвӗ ҫакӑн пек пулнӑ, каласа панӑ хӑйӗн телеграм-каналĕнче Пушкӑрт Пуҫлӑхӗ Радий Хабиров. Вӑл Пушкӑрт предпринимателӗсем тӗнчери партнерсемпе ҫыхӑну йӗркеленине ӑнӑҫлӑ тӗслӗхсем илсе кӑтартнӑ.

Тӗслӗхрен, Пушкӑртри "Дуслар" суту-илӳ ҫурчĕ Узбекистана кайнӑ чухне агропромышленноҫ комплексӗн продукцине 100 млн тенкӗлӗх туса парасси ҫинчен калаҫса татӑлнӑ. Уфари "КапМан" компани Беларуçри "Глобуспа" ятарлӑ тумтир ҫӗлес тӗлӗшпе экспорт контракчӗ тунӑ. Халӗ пирӗн предприяти Беларуç контрагенчӗсемпе пĕрле ӗҫлет. Казахстанпа бизнес-миссийӗн пӗтӗмлетӗвӗ — Белорецкри виçесем тăвакан завочӗ валли, виçе оборудованине тӑратма темиҫе экспорт контракчӗ туни. Пластмассӑран япаласем туса кӑларакан Октябрьскинчи "Альтернатива Экспресс" компанийӗ тӳрех Беларуçпа Узбекистанри икӗ бизнес-миссие хутшӑннӑ. Результачӗ — кашни ҫӗршывпа 100 млн тенкӗлӗх экспорт контракчӗсем.

https://www.bashinform.ru/news/economy/2023-03-27/glava-bashkirii-rasskazal-o-rezultatah-biznes-missiy-respubliki-v-zarubezhnye-strany-3192574

Сӑнӳкерчӗкĕ: Олег Яровиков.