Андрей Назаров: кӑҫал пӗчӗк тата вӑтам предпринимательлӗх субъекчӗсен йышне 130 пин таран ӳстерме тӗллев лартатпӑр

Пушкӑртстанра юлашки виҫӗ ҫул хушшинче пӗчӗк тата вӑтам предпринимательлӗх субъекчӗсен йышӗ ӳсни палӑрать. 2020 ҫулта вӗсем 122 пин ытла шутланнӑ пулсан, 2022 ҫул вӗҫӗнче ҫак цифра 128 пине яхӑн шутланнӑ. Регионта вак тата вӑтам предпринимательлӗх субъекчӗсен ӳсӗмӗ ҫак ҫулсенче 4,6 процентпа танлашнӑ. 2023 ҫулта пӗчӗк тата вӑтам предпринимательлӗх субъекчесен йышне 130 пин таран ӳстерме палӑртнӑ.
Паян Пушкӑртстанра пӗчӗк тата вӑтам бизнесра 128 пин предприниматель, ҫавӑн пекех 125 пин ытла харпӑрҫӑ. Ку сферӑра ҫур миллион ытла ҫын ӗҫлет.
"Пӗчӗк тата вӑтам предпринимательлӗх тата уйрӑм предпринимательлӗх пуҫарулӑхне пулӑшса пыни" наци проекчӗн тӗп мероприятийӗсене пурнӑҫланине пула ҫакнашкал кал-кал аталанӑва тивӗҫтерме май килнӗ.
– Пӗлтӗр бизнеса ҫӑмӑл стартпа хӑтлӑ тытса пыма лайӑх майсем туса пама 1 миллиард тенке яхӑн янӑ, – хушса хунă премьер-министр.
Ҫав шутра "Пӗчӗк тата вӑтам предпринимательлӗх тата уйрӑм предпринимательлӗх пуҫарӑвне пулӑшу памалли" наци проектне пурнӑҫлама 2022 ҫулта 644,5 млн тенкӗ уйӑрнӑ, вӗсенчен федераци укҫи-тенки — 599,4 млн тенкӗ, Пушкӑрт Республикин бюджечӗн укҫи-тенки — 45,1 млн тенкӗ.
2022 ҫулта Пушкӑрт Республики Раҫҫей Федерацийӗн регионӗсем хушшинче 5-мĕш вырӑн тата федерацин Атӑлҫи округӗнчи регионсем хушшинче 2-мĕш вырӑн йышӑннă.
– Ҫамрӑк предпринимательсене пӗрремӗш хут грант панӑ. 133 гранта кунта 63 млн ытла тенкӗ янӑ. Кӑҫал грант пулӑшӑвӗ 210 млн тенке яхӑн пулӗ. Кӑҫал пӗчӗк тата вӑтам предпринимательлӗх субъекчӗсен шутне 130 пин таран ӳстерме тӗллев лартатпӑр, - палӑртнă Андрей Назаров.

https://mgazeta.com/news/novosti/2023-04-07/andrey-nazarov-na-etot-god-stavim-zadachu-uvelichit-kolichestvo-sub-ektov-msp-do-130-tysyach-3209768