Уфари пулас радиоэлектронлӑ технопаркӑн резиденчӗсем Раҫҫейпе Беларуç компанисем пулӗҫ

Пулас радиоэлектронлӑ "РВ-1" технопаркӑн потенциаллă резиденчӗсем Уфари, Минскри, Санкт-Петербургри компанисем шутланаҫҫӗ. Технопарк проекчӗ федераци финанс пулӑшӑвне илме Раҫҫей Минпромторгӗнче ӑнӑҫлӑ иртнӗ. Ӑна йӗркелеме федераципе республика укҫи-тенкине 1,2 миллиард тенкӗ хывма палӑртнӑ. Кун ҫинчен Пушкӑртстан Правительствин Премьер-министрӗ Андрей Назаров Пушкӑртстанри парламентарисем умӗнче ҫуллен отчет тунӑ чухне каласа панӑ.
"РВ-1" радиоэлектронлӑ технопарк проекчӗ электронлӑ промышленноҫ сферинче объектсем тума палӑртнӑ. 2030 ҫул тӗлне 370 ӗҫ вырӑнӗ йӗркелеме палӑртнӑ, радиоэлектронлӑ промышленноҫ продукцийӗ вӑй-хӑват резиденчӗсене пӗтӗмӗшле кӑларасси 3,6 миллиард ытла тенкӗпе танлашать.
Пушкӑртстан "Университет технологи предпринимательствин платформи" федераци проекчӗн шайӗнче конкурс ҫӗнтерӳҫисен шутне кӗнӗ, 2022 ҫулта регионта университет стартап-студийӗ йӗркеленнӗ. Унӑн аталанӑвне ҫитес виҫӗ ҫулта 300 млн тенкӗ явӑҫтарӗç.
Ҫак ӗҫ результачӗсене федераци шайӗнче тивӗҫлипе хакланӑ, — палӑртнӑ Пушкӑртстан Правительствин председателӗ. Регион промышленноҫ политикин тухӑҫлӑхӗн рейтингӗнче икӗ ҫул умлӑн-хыҫлӑн пӗрремӗш вырӑн йышӑнать.
https://tuvest.ru/articles/common_material/2023-04-07/rezidentami-buduschego-radioelektronnogo-tehnoparka-v-ufe-stanut-kompanii-iz-rossii-i-belarusi-3209468