Пушкӑрт аграрисен делегацийӗ Китайра апат-ҫимӗҫ продукчӗсен пӗтӗм тӗнчери выставкине хутшӑнать

Пушкӑрт ял хуҫалӑх таварӗсем туса илекенсен делегацийӗ правительство вице-премьерӗ ял хуҫалӑх министрӗ Ильшат Фазрахманов ертсе пынипе SIAL China апат-ҫимӗҫпе ӗҫмелли продуктсен тӗнчери выставкине хутшӑнать. Кун пирки «Башинформа" регионăн Ял хуҫалӑх министерствин пресс-службинче пӗлтернӗ.
Чи пысӑк курав Шанхайра иртет тата майӑн 20-мӗшӗччен тӑсӑлать.
Пушкӑрт делегацийӗ апат-ҫимӗҫпе напитоксен, апат-ҫимӗҫ тата апат-ҫимӗҫ промышленноҫӗ валли чĕркев оборудованийӗн экспозицийӗсене пӑхса тухать. Унсӑр пуҫне мероприятин ӗҫлӗ пайне те хутшӑнӗ. Ҫавӑн пекех апат-ҫимӗҫ тата промышленность енӗпе Китай ассоциацийӗсемпе компанисен представителӗсемпе тӗлпулусемпе калаҫусем туса ирттерме палӑртнӑ.
SIAL China — Китайри чи пысӑк апат-ҫимӗҫ, ӗҫмелли, индустри продукчӗсен пӗтӗм тӗнчери выставки.
2023 ҫулта унта тӗнчери 70 ҫӗршывран виҫӗ пин ытла компани хутшӑнать. Выставка ют ҫӗршыв компанийӗсем валли ориентир палӑртать, ҫавӑн пекех регионти апат-ҫимӗҫ промышленноҫӗнче рынок, тенденцисемпе инновацисем ҫинчен информаци парать.
https://www.bashinform.ru/news/economy/2023-05-18/delegatsiya-agrariev-bashkirii-uchastvuet-v-mezhdunarodnoy-vystavke-produktov-pitaniya-v-kitae-3262663

Сӑнӳкерчӗкĕ: Пушкӑрт Ял хуҫалӑх министерствин пресс-служби.