Пушкӑрт компанийӗ йӑлари хими туса илекен ҫӗнӗ предприятие йӗркелеме 13 млн тенкӗ инвестици хывать

Раҫҫей Экономика аталанӑвӗн министерстви "ОНИКС" ОООна Пушкӑртстанри "Кумертау" Республикӑн мала аталанакан территорийӗн резиденчӗсен реестрне кӗртнӗ. Компани йӑлари хими туса илес енӗпе ҫӗнӗ предприяти йӗркелеме 13 млн тенкӗ инвестици хывать. Компанин продукцийĕ пуринчен ытла общество апатланӑвӗн сферине, мойкӑсене, ҫавӑн пекех шкулсене, ача сачӗсене тата ытти социаллӑ учрежденийӗсене тивӗҫтерет.

Проекта пурнӑҫлама тытӑнсан инвестор виҫӗ тĕрлĕ продукци туса кӑларассине палӑртать: универсаллӑ тасатмалли-çумалли, ҫӑвакан япала; универсаллӑ тасатмалли, бактерисене хирĕç эффекчӗпе усӑ курмалли япала; контактсӑр мойка валли катион автошампунь. Малашне компани продукцин ҫӗнӗ тӗсне – ача-пӑча химине алла илме ӗмӗтленет.

Инвестор 2023-2028 ҫулсенче проекта пурнӑҫлама тата 10 ҫӗнӗ ӗҫ вырӑнӗ йӗркелеме палӑртать.

https://mgazeta.com/news/novosti/2023-07-31/v-bashkirii-kompaniya-investiruet-poryadka-13-mln-rubley-v-sozdanie-novogo-predpriyatiya-po-proizvodstvu-bytovoy-himii-336544