Радий Хабиров "Пушкӑртстан продукчĕ" проект мӗнле ӗҫлени ҫинчен каласа панӑ

Проект предпринимательсене ҫӗнӗ шая тухма тата суту-илӳ рынокӗсене анлӑлатма пулӑшать.

Пушкӑрт Пуҫлӑхӗ Радий Хабиров социаллӑ сетьсенчи хӑйӗн черетлӗ постне "Пушкӑртстан продукчĕ" проектӑн дипломантне – Уфа предпринимательне Артур Зарипова — халалланӑ. Республика суту-илӳпе туяну конференцийӗсене хутшӑнма тата продукци малалла каймалли стратегине тӗрӗс йӗркелеме пулӑшнине палӑртнӑ регион ертӳҫи. Бизнесмен суту-илӳ сечĕсене мӗн кирлине тата мӗнле тӗспе кирлине хӑвӑрт тавҫӑрса илнӗ. Мĕн кирлине ӑнланса илсен, Зарипов ҫӗнӗлĕх — мангалсенче, мунча кӑмакисенче, каминсенче вут-шанкӑ вырӑнне усӑ куракан йывӑҫ-кӑмрӑк брикетлӑ бокспа паллаштарнă. Радий Хабиров республикӑра брикетӑн пӗрремӗш тата пӗртен-пӗр производителӗ пулнине палӑртнӑ. Регионти суту-илӳ сечӗсен магазинӗсенче ку продукцие сутаҫҫӗ ӗнтӗ, федераци шайне тухасси — предприниматель планӗсенче.

Кунсӑр пуҫне регион ертӳҫи "Пушкӑртстан продукчĕ" паллӑпа 751 производительрен 27 пин ытла продукци ятне маркӑланине пӗлтернӗ.

https://mgazeta.com/articles/economy/2023-10-10/integratsiya-daet-rezultaty-kak-idet-strukturnaya-perestroyka-ekonomiki-bashkirii-3471992