Путин космос отраслӗн специалисчӗсем валли ҫӑмӑллӑхлӑ ипотека хатӗрлеме хушнӑ

#владимирпутин
Раҫҫей Президенчӗ Владимир Путин октябрӗн 26-мӗшӗнче правительствӑна космос отраслӗн специалисчӗсем валли ҫӑмӑллӑхлӑ ипотека условийӗсемпе мерӑсем хатӗрлеме хушнӑ.
"Пирӗн ипотекӑпа ҫӑмӑллӑхсем нумай, космос отраслӗн ӗҫченӗсем вӗсенчен пӗрне те лекмеҫҫӗ. Ку вӑл, калӑпӑр, вĕсен ӗҫ укҫи ытлашши пысăк мар вăхăтра. Эпир кунта кадрсене тытса чараймастпӑр. Эпӗ правительствӑна ку тӗлӗшпе хушма мерӑсем хатӗрлеме ыйтатӑп", - тенӗ патшалӑх Пуҫлӑхӗ.
Ҫав кун космос отраслӗн канашлӑвӗнче Путин ҫӗршыв правительствине космос сферине 2024 ҫулхи июлӗн 1-мӗшӗччен аталантармалли наци проектне туса хатӗрлеме тата ҫирӗплетме хушнӑ. Вӑл тĕслĕх вырăнне Раҫҫейри ӑслӑлӑх, инженери шкулӗсен, ҫӗршыв ресурсӗсен, ҫавӑн пекех уйрӑм бизнесӑн уйрӑм компетенцийӗсене пухма май паракан пилотсӑр вӗҫев системисене аталантармалли нацпроектӑн ҫитӗнӗвӗсене кӑтартса панӑ.

Сӑнӳкерчӗкĕ: ТАСС/Наталья Бережная.
https://iz.ru/1595789/2023-10-26/putin-poruchil-podgotovit-lgotnuiu-ipoteku-dlia-spetcialistov-kosmicheskoi-otrasli