Пушкӑртстан Пуҫлӑхӗ предпринимательсене пулӑшни ҫинчен каласа панӑ

Пушкӑртстан Пуҫлӑхӗ Радий Хабиров хӑйӗн социаллă сетĕнче предпринимательсене пулӑшу парасси ҫинчен ҫырнӑ, республикӑри халӑх пурӑнакан вырӑнсенче пурнӑҫа лайӑхлатакан проектсем ҫинче акцент тунӑ. Тӗслӗх вырӑнне регион ертӳҫи Федоровка районӗнчи бизнесмен Дамир Шарипова асӑннӑ.

"2023 ҫулта Бала-Четырман ялта ҫамрӑк каччӑ Дамир Шарипов автозаправка уҫнӑ. Пӗчӗк ялшӑн пысӑках мар ӗҫ — питӗ пӗлтерӗшлӗ ӗҫ. Ку таранччен ҫывӑхри АЗС райцентрта 25 ҫухрӑмра пулнӑ. Халӗ ĕнтӗ Бал-Четырман та ял модульлӗ автозаправка пур. Кунта АИ-92 маркӑллӑ бензин тата дизель топливи тултарнӑ икӗ колонка лартнă. Икӗ ҫӗнӗ ӗҫ вырӑнӗ те йĕркеленнĕ. Предпринимателе заправка тӑвас шухӑша пурнӑҫлама патшалăх пулӑшнă. Пушкӑртстанри ҫул хӗрринчи сервиса аталантарни — пирӗн тӗп ҫул-йӗрсенчен пӗри, ҫавӑн пек пуҫарусене эпир яланах пысӑк тимлӗх хуратпăр", — палӑртнă Радий Хабиров.

Паллӑ ӗнтӗ, Дамир Шарипов 2022 ҫулхи январь уйӑхӗнче район администрацийӗн предпринимательлӗх сехечӗсенчен пӗринче хӑйӗн проектне тӑратнӑ. Ҫавна май ӑна ҫӗр лаптӑкӗпе тата инженерсен сечӗсемпе ҫыхӑнтарма пулӑшнă.

Сӑнӳкерчӗкĕ: Радий Хабиров соцсечӗсем.

https://www.bashinform.ru/news/social/2024-02-06/glava-bashkirii-rasskazal-o-podderzhke-predprinimateley-3631812