Пушкӑрт Республикинче 310 млн тенкӗлĕх йӑла ыйтӑвӗсен комплексне туса хурӗҫ

Пушкӑрт Республикинче "Затонский" йӑла ыйтӑвӗсене тивӗҫтермелли сервис комплексне 310 млн тенкӗ инвестицисен пӗтӗмӗшле калӑпӑшӗпе туса хурӗҫ. Проекта приоритетлисен шутне кӗртнӗ, ӑна пурнӑҫлама ҫӗр лаптӑкне суту-илӳ тумасӑр арендӑна пама палӑртнӑ.
– Проекта пурнӑҫлани инвестицисене явӑҫтарать тата Михайловка ялӗнче 15 ҫӗнӗ ӗҫ вырӑнӗ йӗркелет. Компани 2026 ҫулта комплекс тӑвас ӗҫе вӗҫлеме палӑртать, - пӗлтернӗ суту-илӳпе пулӑшу ӗҫӗсен министрӗ Алексей Гусев.
Тӗслӗхрен, йӑла ыйтӑвӗсен сервис комплексӗ федераци пӗлтерӗшлӗ "Волга" М7 автоҫул ҫумӗпе Уфа районӗнче вырнаҫӗ. Проекта пуҫараканĕ "Альянс-Р" шутланать. Комплекса химчистка, килти япаласемпе сӗтел-пукансем юсасси, парикмахерскисемпе илем салонӗсем пулӑшу парасси кӗрет. Кунта тата йӑлари таварсен лавкисем, аптека, общество апатланӑвӗн пункчӗ, ҫӑмӑл тата пысӑк тиевлӗ автомобильсем валли парковка, комплекспа пыракансем валли кану зонисем тата электромобильсене вырнаҫтармалли пункт ӗҫлӗҫ.
https://mgazeta.com/news/novosti/2024-05-17/v-bashkirii-postroyat-kompleks-bytovogo-obsluzhivaniya-za-310-mln-rubley-3770702