Раҫҫейри нефтьпе газ форумӗнче Пушкӑрт Пуҫлӑхӗ виҫӗ ҫӗнӗ производство ӗҫне старт панӑ

Ҫу уйӑхӗн 21-мӗшӗнче Раҫҫейри нефтьпе газ хими форумӗн площадкинче Пушкӑрт Республикин Пуҫлӑхӗ Радий Хабиров ПР Пуҫлӑхӗн администрацийӗн пресс-служби пӗлтернӗ тӑрӑх, ҫӗнӗ отрасль производствисене хута яма хутшӑннӑ.
"Башнефть" АНК "Метели" производство базин площадкинче пермеат-йӳҫӗ газа тирпейлес енӗпе пысӑк технологиллӗ установка туса лартнӑ. Ҫӗнӗ комплекс Метели вырӑнӗнче ҫула май нефть газӗпе усӑ курни 96,5 процент таран усӑ курма май парать.

Раҫҫейри нефтьпе газ тата хими форумӗн шайӗнче Гафури районӗнче 8,1 ҫухрӑм тӑршшӗ ялсем хушшинчи газопровода хута янӑ. Проекта "Газпром газораспределение Уфа" компани пурнӑҫланă. Инженер объекчӗ Каран-Елгапа Кулканово ялӗсенчи 180 ытла ҫурта тата икӗ социаллӑ объекта газпа ҫыхӑнтарма технологи тӗлӗшӗнчен май туса парӗ.
"ИНТЭКО" инжиниринг компанийӗ тата тепӗр производство хута янӑ. Вӑл нефтьпе газ оборудованийӗ туса кӑларас тата сервиспа тивӗҫтерес енӗпе пысӑк технологиллӗ комплекс тӑвас енӗпе инвестици проектне пурнӑҫланӑ. Хальхи станоксемпе программа управленийӗпе пуянлатнӑ производство пысӑк тухӑҫлӑ кӑткӑс детальсем тума май парать.
Радий Хабиров республика промышленноҫне аталантармалли хальхи тапхӑрта ҫӗнӗ проектсем пысӑк пӗлтерӗшлӗ пулнине палӑртнӑ, ҫавна пула пирӗн экономика пур тӗрӗслеве те тивӗҫлӗ тӳссе ирттерет.

Сăнӳкерчӗкӗ: glavarb.ru сайтран.
https://mgazeta.com/articles/vazhno/2024-05-21/glava-bashkirii-na-rossiyskom-neftegazovom-forume-dal-start-rabote-tryoh-novyh-proizvodstv-3776952