Давыдовсен ҫемйи Пишпÿлекре ача-пӑча валли вӑйӑ центрӗ уҫать

Пишпÿлекре ачасем валли вӑйӑ центрӗ пулӗ. Кун ҫинчен район администраци пуҫлӑхӗ Артур Зарипов социаллӑ сетьри хăйĕн страницинче каласа панӑ.
- Пирӗн предпринимательсен ҫитӗнӗвӗсемпе яланах савӑнатӑп. Шӑпах вӗсен ҫӗнӗ идейисемпе проекчӗсене пула Пишпÿлек районӗнче пирӗн района малалла аталантарма пулӑшакан ҫӗнӗ "ӳсӗм точкисем" ҫуралаҫҫӗ. "Предприниматель сехечӗн" шайӗнче ҫакӑн пек проектсенчен пӗринпе паллашрăмăр.
Александрпа Елена Давыдовсен ҫемйине пурте лайӑх пӗлеҫҫӗ. Ҫамрӑк, анчах опытлӑ предпринимательсем, уявсем йӗркелессипе аппаланаканскерсем. Халӗ вӗсем Пишпÿлекре вӑйӑ центрне уҫаҫҫӗ, ку центр районти мӗнпур ҫамрӑксемпе хӑнасемшӗн чи юратнӑ вырӑн пулса тӑрасса шанатӑп эпӗ. Батутсем, лабиринтсем, аттракционсем – ку кунта мӗн пурри пурте мар-ха. Чи кирли тата, Давыдовсем халӗ ҫак проекта малалла аталантарас тӗлӗшпе ӗҫлеҫҫӗ. Пӗтӗмӗшпе илсен, ӗҫ малашлӑхлӑ пулма шантарать. Хальлӗхе хатӗрленӳ ӗҫӗсем вӗҫленсе пыраҫҫӗ-ха, анчах центр часах пуриншӗн те алӑкне уҫать.
Александрпа Еленӑна ӗҫе ӑнӑҫлӑ аталантарма пӗтӗм чӗререн сунатӑп! Сирӗн пурте пулать. Маттур!

Сăнÿкерчĕкĕсем: Артур Зариповăн социаллă сетьри страницинчен.
https://vk.com/arturzaripov74