Пушкӑртстанпа Тамбов облаҫӗ пĕрле ĕçлесси пирки килӗшӳ тунӑ

Июнӗн 6-мӗшӗнче Петербургри Пӗтӗм тӗнчери экономика форумӗн площадкинче Пушкӑртстан Пуҫлӑхӗ Радий Хабиров тата Тамбов облаҫӗн пуҫлӑхӗ Максим Егоров суту-илӳпе экономика, наукӑпа техника, социаллӑ тата культура сотрудничествисем ҫинчен калакан килӗшӗве алӑ пуснӑ.
Республика Пуҫлӑхӗн пресс-служби пӗлтернӗ тӑрӑх, ҫӗнӗ документ 1999 ҫулхи правительство хушшинчи килӗшӗве хальхи трендсене, условисене тата регионсене аталантармалли задачӑсене шута илсе актуализациленӗ. Пушкӑртстан Пуҫлӑхӗ Тамбов облаҫӗпе ҫыхӑнса ӗҫлемелли приоритетсен шутӗнче - хуҫалӑх ҫыхӑнӑвӗсене анлӑлатасси тата малашлӑхлӑ ҫӗнӗ проектсем пурнӑҫласси пулнине палӑртнӑ.
Радий Хабиров Тамбов облаҫӗн делегацине Уфа 450 ҫул тултарнине халалланӑ чаплӑ мероприятисене хутшӑнма чӗннӗ. Вӗсем 2024 ҫулхи ҫу вӗҫӗнче иртеҫҫӗ.
Сӑнӳкерчӗкĕ: Олег Яровиков.
https://www.bashinform.ru/news/politics/2024-06-06/bashkortostan-i-tambovskaya-oblast-zaklyuchili-soglashenie-o-sotrudnichestve-3801599