Пушкӑртра ĕҫе вырнаçтарассипе ярмӑрккăра Раҫҫейӗн 600 ытла ӗҫ параканне тӑратнă

#наци проекчĕ

Июнӗн 28-мӗшӗнче республикӑри пур хуласемпе районсенче те ĕҫ паракансем Пӗтӗм Раҫҫейри ӗҫе вырнаçтарассипе ярмăрккӑн иккӗмӗш тапхӑрӗнче 9 пин ваканси тӑратĕҫ.

ПР Ĕç министерствинче ӗҫе вырнаçтарассипе ярмăрккă "Демографи" наци проекчĕн "Ĕҫпе тивӗҫтерме пулӑшасси" федераци проекчӗн шайӗнче иртни ҫинчен каласа панӑ.

Уфара ваканси ярмăркки иртӗ, унта пӗтӗм республикипе усӑ курма пултаракан пилӗк пин сĕнĕве яхӑн тӑратӗҫ. Тӗрлӗ ҫулсенчи хутшӑнакансем экономикӑн тӗрлӗ отраслӗнче, общество апатланӑвӗнчен пуҫласа информаци технологийӗсем таран ӗҫ тупма пултараҫҫӗ. Ӗҫе вырнаҫтармалли вариантсене пысӑк опытлӑ квалификациллӗ специалистсене те, ҫуллахи тапхӑрта ӗҫлес текенсене те сӗнӗҫ.

Пушкӑртстанри халӑхӑн ҫемье, ӗҫ тата социаллӑ хӳтлӗх министрӗ Ленара Иванова Раҫҫейри ӗҫе вырнаçтарассипе ярмăркка пӗлтӗр Раҫҫей Президенчӗ Владимир Путин пуҫарнипе пӗтӗм ҫӗршывĕпе иртни тата ҫуллен икӗ тапхӑрти мероприяти пулса тӑни ҫинчен пӗлтернӗ. Вӑл ҫавӑн пекех регионти кашни мероприятие палӑртнӑ темӑсемпе фокусланнине, кӑҫал Çемье çулталӑкӗ тесе пӗлтернине пула Пушкӑрт Республикинчи ярмăрккӑна ҫемье ыйтӑвӗсемпе тата сывлӑх начартарах ҫынсене пулӑшассипе халалланине палӑртнă. Ярмăрккă шайӗнче ҫемье бизнесне аталантармалли, инвалидсене ӗҫе вырнаҫтармалли тата ачасен ашшӗ-амӑшӗшӗн уйрӑмах кирлӗ профориентаци тумалли площадкӑсем йӗркеленӗҫ.

Ярмăрккӑн тӗп площадкине Уфари "Торатау" Конгресс-холлра вырнаҫтарӗҫ. Ҫак паллӑ кун хӑнасем ӗҫ тӑвас ӗҫӗн чи лайӑх практикисем ҫинчен пӗлӗҫ те карьерӑна аталантарас енӗпе консультаци илӗҫ. Специализациленӗ площадкӑсене Кадр служби ӗҫченӗсем тата HR-специалистсем валли уйӑрнӑ.