Ачасем Ĕçпе тивĕçтерекен центрăн инспекторĕпе тĕл пулнă

Пишпÿлекри 3-мĕш вăтам шкулти ачасемшӗн ҫуллахи кăнтăрла пулмалли лагерьте кун каҫиччен Ĕçпе тивĕçтерекен центрăн ертсе пыракан инспекторӗпе Ольга Александровнапа тӗл пулнă. Унпа пӗрле ачасем профессисен тӗнчине кӗрсе кайнă. Ребуссен тупсӑмĕсене тупнă, виçĕ команда пайланнă та пӗр-пӗрне профессисемпе ҫыхӑннӑ пантомимăсем кӑтартнă.

Унтан "Эпĕ — блогер" вӑйӑ программи иртнӗ.

Вӑййа хутшӑнакансене креативлӑ заданисем панӑ: тик-токри трендсем ташламалла, блогерствӑпа ҫыхӑннӑ викторинӑна тавҫӑрса илмелле, юрӑ юрласа памалла пулнă.

Мероприяти вӑхӑтӗнче ачасем хӑйсене чӑн-чӑн блогерсем пек туйма пултарнă, ҫӗнӗ хыпарсем нумай пӗлнĕ, хавасланнă, темӗн чухлӗ кăмăл-туйăм илнĕ. Пурте пӗчӗк флешмобпа вӗҫленнĕ. Воспитательсемпе вожатӑйсене пула ҫак кун вăрах асра юлĕ.

Сăнÿкерчĕкĕсем: Пишпÿлекри 3-мĕш вăтам шкулăн социаллă сетьри страницинчен.

https://vk.com/public206548118