Путин Раҫҫей аталанӑвӗн тӗп стратегилле сферисенчен пӗри энергетика тенĕ

#владимирпутин

Энергетика Раҫҫей аталанӑвӗн тӗп стратегилле сферисенчен пӗри шутланать. Кун пирки ытларикун, октябрӗн 1-мӗшӗнче, РФ Президенчӗ Владимир Путин энергетика министрӗпе Сергей Цивильёвпа тӗл пулнӑ чухне пӗлтернӗ.

Ҫӗршыв лидерӗ маларах Кузбасс губернатор постне йышӑннӑ ведомство пуҫлӑхӗн энергетика сферинче, чи малтан — кӑмрӑк отраслӗн ыйтӑвӗнче пуян ӗҫ опычӗ пулнине палăртнă.

"Ҫапах та Раҫҫейшӗн тӗп тата стратегилле ӗҫсенчен пӗри пулса тӑракан ҫак ӗҫӗн пур деталӗсемпе те, пур сферисемпе те паллашма тата ăнкарма май пулнӑ", — тенӗ Путин.

 

2024 ҫулхи пӗрремӗш ҫур ҫулта, санкци витӗмне пӑхмасӑр, нумай ӗҫе пурнӑҫлама май килни ҫинчен Цивилёв каласа панă. Ҫав хушӑра вӑл иртнӗ ҫул Раҫҫейӗн кӑнтӑр енче электроэнерги кӑларассипе ҫыхӑннӑ ҫивӗч ыйтусем пулнине палӑртнă. Ҫакӑншӑн икӗ фактор - туристсен пысӑк юхӑмӗ тата регионти температура пысӑк пулнине пула, ӗҫсем хутшӑннине палӑртнă.

Ҫавӑн пекех Цивилёв Путина йышӑннӑ икӗ пуҫарушӑн тав тунă: авари лару-тӑрӑвӗсен шутне чакаракан территорири тытӑмлӑ организацисене хута яни, майнинг саккунӗ ҫирӗпленни, вӑл электричество тӑкакӗсене тухӑҫлӑрах валеҫме тата вӗсен легальлӗхне сӑнама пулӑшӗ. Унсӑр пуҫне вӑл президент хушнипе 2050 ҫулччен энергетика стратегине хатӗрлесси ҫинчен пӗлтернӗ.

Сăнÿкерчĕкĕ: http://www.kremlin.ru/events/president/news/75208/photos/78451