Пӳртсене шыв килчӗ

"Бижбулякводоканалсервис" ОООн мобильлĕ бригади Пăслăк ял советĕнчи Пурлăкан тӗп урамӗпе кивелнĕ шыв пăрăхĕ вырӑнне ҫӗнннине хывнă.

Ял ҫыннисем кӗвентесемпе витресем йӑтса ҫӑла шыв ӑсма ҫӳренӗ вӑхӑтсем иртсе кайрӗҫ. Халӗ пӗчӗк ялсенче те урамри водопровод пур, ӑна пурӑнмалли ҫуртсем ҫумне, проект тӑрӑх хушнӑ пек, тӳрех кухньӑна касса кӗртнӗ.

— Ҫанталӑк уяр тӑнӑ вӑхӑтра эпир пысӑках мар Пурлăкара пурӑнакансем валли урамри кивелнӗ водопровода улӑштарма пулӑшма ыйтнине тивĕçтерме тӑрӑшрӑмӑр, — тет "Бижбулякводоканалсервис" ООО ертӳҫи Андрей Валериевич Михайлов. — Малтан лару-тӑрӑва тӗпчерӗмӗр, проектпа смета докуменчӗсене хатӗрлерӗмӗр. Пысӑк йывӑр ӗҫе кая юлакан тупӑшсен шучӗпе пурнӑҫлама йышӑннӑ. Кирлӗ материал хатӗрлесе ҫитерсен, ку ытларах вăйлă электронасос СУПН, пластик трубасемпе слив пуссисем, ҫавӑн пекех ҫӗрте траншейӑсене чавма экскаватор, ĕç вӗреме пуҫларĕ. Августӑн 15-мӗшӗнчен пуҫласа сентябрӗн 24-мӗшӗччен пирӗн водопроводчиксен мобильлӗ бригади задачӑна пурнӑҫларĕ: ҫӑлкуҫӗнче ҫӗнӗ электронасуса монтаж тунӑ, пӗтӗм ял урамӗпе 830 метр тӑршшӗ пластик трубасем ирттернĕ, вунпилӗк ҫурт патне касса кӗртнӗ, бетонран тунӑ виҫӗ слив ункисем лартнă. Ҫапла вара, пысӑках мар ялта пурӑнакансене халӗ килти шыв пӑрӑхӗн кранӗнчен килти нушисем валли пӗр чарӑнмасӑр ҫӑл шывӗпе тивӗҫтернӗ. Ырӑ сӑмахпа Ханиф Рашитович Шаймарданов мастера, Владимир Ильич Михайлов сварщика, Владимир Леонидович Кудряшов слесарь-монтажнике, Алексей Владимирович Днепровский экскаваторщика тата вырӑнти ҫынна Андрей Юрьевич Зубова тӳрӗ кӑмӑлпа ӗҫленине палӑртас килет. Пурлăкара пурӑнакансем вӗсене ӗҫе пурнӑҫланӑшӑн тав тӑваҫҫӗ.

— Пирӗн ялта водопровод пурччӗ, анчах трубасем кивелнӗ, трубасен сыпӑкӗсем тутӑхнӑ, путнӑ, ҫавӑнпа вӑхӑт-вӑхӑт шыв ҫухалатчĕ, - каласа параççĕ Пурлăкара пурӑнакан Николай Васильевич Захаровпа Александр Александрович Яковлев. — Вӑл киле хӑй тӗллӗн килетчĕ. Эпир ҫак водопровода 1968 ҫулта нефтяниксем тунине лайӑх астӑватпӑр. Ун чухне пирӗн ялта 54 пурӑнмалли ҫурт пурччӗ. Водопровод тунӑ кашни килтен нефтяниксем пӗрер сурăх тата 45 тенкӗ илнӗ. Халӗ ӗнтӗ пурте урӑхла. Ку вара питӗ лайӑх!

Владимир СМОЛОВ.

Сӑнӳкерчӗкӗсем: Владимир Смолов.

 

Сăнÿкерчӗксем ҫинче: 1. Владимир Ильич Михайлов сварщик, Ханиф Рашитович Шаймарданов мастер, Владимир Леонидович Кудряшов слесарь-монтажник.

2. Пурлăкара пурӑнакансем Николай Васильевич Захаровпа Александр Александрович Яковлев.