Хӗрарӑмла бизнес

Хальхи бизнес-ледисем тĕрĕс тӗллев лартма, ӗҫлеме тата ҫӗнӗ ҫитӗнӳсем тума хӑйсен тӗслӗхӗпе хавхалантарма пӗлнине палӑртаҫҫӗ.
Хӗрарӑм предпринимательстви пирӗн кулленхи пурнӑҫра тивӗҫлӗ вырӑн йышӑнчӗ. Паян финанс енчен никама пӑхӑнманлӑхне кӑмӑллакан, май килнӗ таран пурнӑҫлама тӑрӑшакан нумай хӗрарӑмсем бизнесра хӑйсене тӗрӗслесе пӑхаҫҫӗ. Вӗсен ача ҫуратмалла-воспитани памалла, вара, юратнӑ ӗҫе туса, ӑна ҫирӗп тупӑш паракан бизнес патне илсе ҫитермелле. Кун умӗн амӑшӗн пурнӑҫри чи пӗлтерӗшлӗ рольсене - амӑшӗсене, хӗрӗсене, арӑмӗсене тата бизнес-ледисене - пӗрлештерекен хӗрарӑмсене палӑртас килет.
Ҫемьешӗн тӑрӑшнине, карьерӑри ҫитӗнӳсемшӗн ăнтăлнине хӗрарӑмсен мӗнле пӗрлештермелле? Ҫакӑ вӗсене калама ҫук вӑйлӑ, тӳсӗмлӗ, ҫирӗп пулма хушать. Предпринимательсем пӗрлешекен бизнес-пӗрлӗхрен пысӑк пулӑшу илеҫҫӗ. Тӗслӗхрен, кӑҫал ҫу уйӑхӗнче Пишпÿлекре Пӗтӗм Раҫҫейри "Бизнес хӗрарӑмӗсем" общество ассоциацийӗн уйрӑмӗ уҫӑлчĕ. Вырӑнти уйрӑмӑн ертӳҫи Анна Вячеславовна Захарова - хӑйӗн бизнесне вунӑ ҫул ытла ӑнӑҫлӑ ертсе пыракан нумай ачаллӑ анне, Пишпÿлекре чи малтан чечек салонӗ уҫнӑскер.
Общество ҫӗннисене опытлӑрах бизнес-ледисем хӑйсене кӑтартма пулӑшаҫҫӗ, вӗрентӳ, мастер-классем урлӑ аталанма, конкурссемпе тӗрлӗ программӑсене хутшӑнма май параҫҫӗ. Пӗччен ҫӗнтереймесси пирки иккӗленмелли пур пулсан, пӗр шухӑшлӑ хӗрарӑмсен коллективӗнче пурте ҫӑмӑл пулать! Предпринимательницӑсем пӗрле хӑйсен тӗллевӗсем патнелле каяҫҫӗ, ҫӗнӗ майсем, паллашусем, ҫыхӑнусем тупаҫҫӗ.
— Эпир районти хӗрарӑм бизнесне аталантарма, пурлӑх никĕсне ӳстерме, професси предпринимательлӗх хутлӑхне йӗркелеме тата цивилизациллĕ бизнес йӗркелеме, ҫавӑн пекех социаллӑ предпринимательствопа ырлӑх ӳстерме хастар пулӑшатпӑр, - каласа парать Анна Вячеславовна. — Ман шутпа, хӗрарӑм предпринимательствине ҫемҫе вӑй кӑтартнӑ пек пӑхма пулать. Ҫемҫе вӑй вӑл - ҫынсене ирӗксӗрленипе мар, илӗртӳлӗхпе, хаклӑхпа тата культурӑпа витӗм кӳме пултарни. Хӗрарӑм предпринимательстви те обществӑра тата бизнесра лайӑх улшӑнусем тума пулӑшакан хӑватлӑ инструмент пулма пултарать.
Социаллӑ пӗлтерӗшлӗ тӗрлӗ проектсемпе пӗрле бизнес-пӗрлӗх представителӗсем СВОна хутшӑнакансене хастар пулӑшаҫҫӗ: гуманитари пухӑвӗсем йӗркелеҫҫӗ, пирӗн боецсене пулӑшма тӗрлӗ мероприяти йӗркелеҫҫӗ. Тӑван çӗршыва хӳтӗлекенсен ретӗнче вӗсен ҫывӑх ҫыннисем те пур вӗт: ашшӗсем, пиччӗшӗсем, ывӑлӗсемпе ачисем.
"Бизнес хӗрарӑмӗсем" ассоциацин вырӑнти уйрӑмӗн представителӗсем хушшинче, паллах, аннесем те пур. Кашни анне тӗрлӗ рольпе ҫӑмӑллӑнах ҫыхӑнма пултарать: ачасене пӑхасси, килти заданисене хатӗрлесси тата шкул мероприятийӗсене хутшӑнасси проект управленийӗпе, калаҫусем ирттерессипе тата стратегилле решенисем йышӑнассипе ҫыхӑннӑ.
Тӗслӗхрен, Алина Муллагалиева, виçĕ йĕкреш ачасен амӑшӗ, ӗҫе, хоббие ӑнӑҫлӑ ҫыхӑнтарать, ҫав хушӑрах хӑйӗн пӗлӗвне тӑтӑшах ӳстерет. Паллах, ҫемье уншӑн пӗрремӗш вырӑнта.
Лилия Бикбулатова микрозелень ҫитӗнтермелли хӑйӗн сити-фермине тухӑҫлӑ аталантарать. Бикбулатовсен ҫемье бизнесне шӑпах аслӑ ывӑлӗ Данил бизнесӑн асӑннӑ ҫул-йӗрне аталантарма тӗртнӗ. Ҫулталӑк хушшинче вӗсем пирӗн районти пекарньӑсемпе ресторансенче кӑна мар, Пелепейпе Приютовăра та сакӑр ытла ресторана тивĕçтереççĕ.
Динара Нугуманова профессийӗпе педагог. Нумай ачаллӑ анне хальхи вӑхӑтра пилӗк ачана пӑхса ҫитӗнтерет. Ҫав вӑхӑтрах экофермӑна тухӑҫлӑ ертсе пырать: тутлӑ чӑкӑтсемпе тĕтĕмленĕ апат-симĕç кӑларать. Ун патӗнчен пӗр турист та пушӑ алӑпа каймасть.
Ольга Никитина чей тата парне лавккине ӑста ертсе пынипе пӗрле тӑватӑ ачана та ҫавӑн пекех лайӑх воспитани парать. Вунӑ ҫул ытла педагогра ӗҫленӗ хыҫҫӑн ӗҫ сферине улӑштарма тата бизнес-леди вырӑнӗнче тупнă. Пурте унӑн алӑпа тунӑ тутлӑ шоколадсене тутанса пӑхнă!
Тата тепӗр анне, Марина Колпакова, хушма пӗлӳ паракан пулӑшу паракан репетиторство центрне уҫнă та ӑна пӗлсе аталантарать. Кунта ачасем ЕГЭ тата ОГЭ пама хатӗрленеҫҫӗ. Центр педагогсене хушма ӗҫлесе опыт пухма май парать.
Хӗрарӑм-аннесем, хӑйсен вӑйне ӗненсе, бизнес тӑваҫҫӗ, ӑна пуҫӗпех явӑҫаҫҫӗ, хӑйсем ҫине хушма тивӗҫсем хураҫҫӗ. Ҫав хушӑрах вӗсем хӑйсен ачисемшӗн уҫҫӑнрах тӗслӗх пулса тӑраҫҫӗ:
кашни
кун хӑйсен ӗмӗчӗ хыҫҫӑн пырасси, хӑйсемпе ӗҫлесси, палӑртнӑ тӗллевсене пурнӑҫласси, ҫывӑх ҫынсемшӗн тӑрӑшасси ҫинчен манмасӑр кирлине ӗнентереҫҫӗ.
Ирина ФОМИНА.
Сӑнӳкерчӗкӗ: Анна Захарова архивӗнчен.