Пишпÿлек районӗ Пӗтӗм Раҫҫейри ӗҫ ярмӑрккине хутшӑннӑ

Пишпÿлек районӗ Пӗтӗм Раҫҫейри "Раҫҫей ĕҫӗ. Май пур вӑхӑт" ӗҫ ярмӑрккине хутшӑннӑ.

Районти Культура керменĕн площадкине ӗҫе вырнаҫас текенсем, шкулта вӗренекенсем, предпринимательсем, ӗҫ паракансем, районти тӗрлӗ предприятисен представителӗсем, ҫавӑн пекех Пелепейри механизаципе электрификации колледжĕн Пишпÿлекри филиалĕн тата Аксенти агропромышленноҫ колледжӗн представителӗсем пухӑннӑ. Ярмарккӑн тӗп тӗллевӗсем – ӗҫе йӗркелеме пулӑшасси, пулас абитуриентсене профориентацире пулӑшасси, ҫавӑн пекех районти организацисене ӗҫлекенсене шырама пулӑшасси. Мероприятире тухса каланӑ район администраци пуҫлӑхӗн заместителӗ Алексей Данилов, ӗҫ шырас ӗҫре пурне те ӑнӑҫу суннă, пулас абитуриентсене уйрӑмах тимлӗх уйӑрнă, вӗсене халех пулас профессипе паллашма тата суйласа илнӗ профессии çулĕпе йӗркеллӗ утма чӗнсе каланă.

Сăнÿкерчĕкĕсем: Пишпÿлекри 1-мĕш вăтам шкулăн социаллă сетьри страницинчен.

https://vk.com/club210652587