Михайловкăри вăтам шкул ачисем финанс тӗнчинче пулнă

Михайловкăри вăтам шкул ачисем Пӗтӗм Раҫҫейри «Манӑн финанссем: Рационаллӑ усӑ курни» ҫутӗҫ эстафетин VII тапхӑрне хутшӑннӑ.
Шкул ачисем валли кӑсӑк лекци йӗркеленӗ:
«Рационаллӑ усӑ курасси: пулмалла-и, ҫук-и... туянмалла-и?»
Шкул ачисем кирлӗ туянӑва импульсивлӑ туянуран мӗнле уйӑрмаллине, маркетинг чеелӗхӗсене лекес маррине тата мӗншӗн тепӗр чухне ҫӗннине туянас умӗн 24 сехет кӗтни аванраххине ӑнланнӑ.
Пӗлӗве ҫирӗплетес тесе вара - «Перевертыш» вылянӑ, унта тавҫӑрулӑхпа финанс пӗлӗвне кӑтартма тивнӗ.
Ҫавӑн пекех тематикӑллӑ кроссворд тупсӑмĕсене тупнă, терминсене аса илнĕ, укҫа-тенкӗпе виҫеллӗ йышӑнусем тума вӗреннĕ.
Ку урок кӑна мар, финанс тӗнчинче чӑн-чӑн мыскара пулнă. Ачасем ҫакна ӗненнĕ: укҫа-тенкӗ енчен хутла пӗлни усӑллӑ кӑна мар, интереслӗ те.
Пур хутшӑнакана та, йӗркелӳҫӗсене те тавтапуҫ! Малалла — ҫӗнӗ пӗлӳпе ӑс-хакӑл патне куҫатпӑр!

Сăнÿкерчĕкĕсем: Михайловкăри вăтам шкулăн социаллă сетьри страницинчен.
https://vk.com/club201689192