Пушкӑртстанпа Челябинск облаҫӗ тарӑн промкоопераципе кӑсӑкланаҫҫӗ

Республикӑри Управлени центрӗнче Пушкӑртстан Пуҫлӑхӗпе Радий Хабировпа Челябинск облаҫӗн губернаторĕн Алексей Текслерӑн тӗлпулӑвӗ пулнă. Пушкӑртстан Пуҫлӑхӗ регионсенчи пысӑк делегацисен визичӗсем Раҫҫей Федерацийӗн субъекчӗсем хушшинчи хутшӑнусене лайӑх витӗм кӳнине палӑртнӑ.
- Пушкӑртстан сирӗнпе тӗрлӗ енпе килӗштерсе ӗҫлесшӗн. Эпир те сирӗн пекех тарӑн промышленноҫ кооперацине ӑнтӑлатпӑр. Пирӗн предприятисем хастар калаҫусем ирттереҫҫӗ ӗнтӗ, ҫакӑ тавар ҫаврӑнӑшӗ ӳсессе шансах тӑратӑп, – тенӗ Радий Хабиров.
Республика Пуҫлӑхӗ Алексей Текслера облаҫри управляющи команди челябинск пушкӑрчӗсене пулӑшас тӗлӗшпе тӑвакан мерӑсемшӗн тав тунă, ҫак ӗҫ халӑхӑн сайра тата хăйне евĕрлĕ культурипе йӑли-йӗркине упраса хӑварассишӗн пӗлтерӗшлӗ пулнине палӑртнă. Губернатор хӑй черечĕпе Радий Хабиров тарават пулнӑшӑн тата Уфари Челябинск делегацийӗн ӗҫне лайӑх йӗркеленӗшӗн тав тунă.
– Эпир пысӑк командӑпа килтӗмӗр, вӗсен йышӗнче – патшалӑх влаҫ органӗсен представителӗсем тата пирӗн регионти промышленноҫ предприятийӗсен ертсе пыраканӗсем, коопераци ҫыхӑнӑвӗсене аталантарассипе кӑсӑкланакансем, – каласа кӑтартнă Алексей Текслер. - Ҫӗршыв умӗнче ҫӗнӗ технологи задачисем тӑраҫҫӗ, вӗсене Пушкӑртстан пек кӳршӗсемпе пӗрле татса парасси тухӑҫлӑрах та интереслӗрех.

Сăнÿкерчĕкĕ: Азат Мухамедьянов / ПР Пуҫлӑхӗн пресс-служби.
https://www.bashinform.ru/news/economy/2026-02-26/bashkiriya-i-chelyabinskaya-oblast-zainteresovany-v-glubokoy-promkooperatsii-4594358