Путин Амур облаҫӗн губернаторĕпе регион экономикине сӳтсе явнӑ

#владимирпутин

Амур облаҫӗн губернаторĕ Василий Орлов Раҫҫей Президенчӗпе Владимир Путинпа тӗл пулнӑ май, регион экономикин пӗтӗмӗшле характеристикисене сӳтсе явнӑ.

«Пирӗн, пӗтӗмӗшле илсен, Владимир Владимирович, ҫулталӑк ӑнӑҫлӑ пулчĕ. Слайдсенче регион экономикин пӗтӗмӗшле характеристикисене кӑтартнӑ. Пилӗк ҫул хушшинче пирӗн регионӑн тулай продукчӗ икӗ хут ӳсрӗ, вӑл 1 триллион та 100 млрд тенкӗпе танлашрӗ ӗнтӗ», — тенӗ Орлов.

Вӑл каланӑ тӑрӑх, 2025 ҫулта область тухӑҫлӑх енӗпе черетлӗ рекорд лартнӑ — 2,2 млн тоннă тӗштырӑ тата соя пухса кӗртнӗ. Регионта пӗтӗмпе 2,4 триллион тенкӗ тӑракан 64 ҫӗнӗ инвестпроект пурнӑҫланать.

Раҫҫей лидерӗ Орлова СВОна хутшӑнакансене пулӑшас енӗпе ӗҫленӗшӗн тав тунă, таврӑннӑ ветерансен 65 проценчӗ облаҫра ӗҫе вырнаҫнине палӑртнă. Путин ҫак кӑтартӑва ӳстерме чӗнсе каланă.

Сӑнӳкерчӗкĕ: http://static.kremlin.ru/media

https://iz.ru/2051826/gubernator-amurskoi-oblasti-obsudil-s-putinym-ekonomiku-regiona-izi