2022 ҫулта çуралнă пӗрремӗш ача Айша пулчӗ

2022 ҫулта районта пилӗк мӑшӑр регистрациленӗ. Кӑрлач уйӑхӗн 11-мӗшӗнче Пишпӳлекри Владимир тата Айгуль Масловсем пӗрремӗш ҫӗнӗ çынсем пулса тӑнӑ. Мӑшӑрланнисенчен чи асли 1962 ҫулта ҫуралнӑ, чи ҫамрӑкки вара — 2001 ҫулта. Кӑҫалхи пӗрремӗш уйӑхра кӑна тӑватӑ мӑшӑр уйрӑлнӑ. 2022 ҫулхи кӑрлач уйӑхӗн 8-мӗшӗнче районта пӗрремӗш ача — Айша ятлӑ хӗрача ҫуралнӑ. Кӑҫалхи виҫӗ эрне хушшинче пĕтĕмпе сакӑр ача ҫут тĕнчене килнĕ. Вӗсен хушшинче: Айша, Муса, Эльмир, Таисия, Матвей, Юлия, Милана, Ева. Икӗ ача ҫемьере малтанхи ачасем пулса тӑнӑ, виҫҫӗшӗ — иккӗмӗшӗ, иккӗшӗ — виҫҫӗмӗшӗ, пӗри — пиллӗкмӗш ача. Чи ҫамрӑк анне 2001 ҫулта ҫуралнӑ, чи асли — 1975 ҫулта.

Карина ПАВЛОВА.

Сăнÿкерчĕкĕ: уçă çăлкуçсенчен.