Çирĕп, ӗҫчен, чаплӑ юрӑҫӑ хисепе тивӗҫлӗ

Декабрӗн 19-мӗшӗнче тӗлӗнмелле хӗрарӑм — Юлия Васильевна Таймасова 90 ҫул тултарать. Вӑл ҫуралса ĕмӗр тӑршшӗпех Пишпÿлек ялӗнче пурӑннӑ. Харсӑр, ӗҫчен, чаплӑ юрӑҫӑ легенда пулма тивӗҫлӗ. 90 ҫул нумай событисем шӑнӑҫтарнӑ. Юлия Васильевна хӑйӗн ӗмӗрӗнче савӑнӑҫ та, хуйхӑ-суйхӑ та тӳссе ирттернӗ ахаль совет хӗрарӑмӗ. Пурнӑҫри ҫирӗплӗх, ҫирӗп характер ӑна яланах пурнӑҫпа илсе пынӑ, йывӑрлӑхсене ҫӗнтерме пулӑшнӑ.

Юлия Васильевна район музейне йӗркеленӗренпе нумай ҫул хушши пирӗн музей ӗҫне пулӑшрӗ. Вӑл сайра тӗл пулакан чунлӑ ҫын, пирӗн пата пыракансемпе вӑл хӑйӗн пурнăçĕнчи асаилӗвӗсене темиҫе хут та каласа парать. Пирӗн музей мероприятийӗсене пыра-пыра каятчӗ, ҫамрӑк итлекенсен чӗринче манӑҫми туйӑмсем хӑваратчӗ, хамӑр ялти тата ҫывӑх ҫыннисен пурнӑҫне аса илетчӗ.

Хӑйӗн йывӑр та ҫӑмӑл мар биографине вӑл тӗпӗ-йӗрӗпе астӑвать. 1942 ҫулта амӑшӗпе пӗрле 100-150 грамм ҫӑнӑхшӑн ĕçлени, ашшӗ ячĕпе хура хут илни, Ҫӗнтерӗве мӗнле кӗтсе илни ҫинчен каласа парать. Шкулта вӗреннӗ чухне çамрӑк Юлия почта валеçме, хуҫалӑхра пулӑшма ӗлкӗрнӗ. 1952 ҫулта 10 класс пӗтернӗ, ҫемьере асли пулнӑ, амӑшне пулӑшмалла пулнӑ. Унӑн малалла вӗренес килнӗ, анчах вӑл ӗҫлеме кайнă. Госбанкра ӗҫленĕ, унтан тивĕçлĕ канăва тухиччен соцсобесра вăй хунă.

Паллӑ каччӑна Юлий Таймасова качча тухнӑ, мӑшӑрӗпе тӑватӑ ача ҫитӗнтернӗ. Пирӗн ялти обществӑпа культурӑллӑ пурнӑҫа ҫемье мӑшӑрĕ активлӑ хутшӑннă. 1986 ҫултанпа Юлия Васильевна «Шурӑ хурӑн» чӑваш фольклорпа этнографи ансамблӗнче юрлама пуҫланӑ. Валентина Александровна Иванова ертсе пынипе легенда ансамблӗ чӑваш культурин пуян еткерне хӑварнӑ.

Юлия Васильевнӑн ырӑ кӑмӑлӗпе çемçе чунĕ пур ҫӗрте те палӑрать, вӑл музейре халалласа хӑварнă хисеплӗ ҫын — тӳлевсӗр-мӗнсӗр район музейне документсене, хӑйӗн япалисене, чӑваш этнографийӗн япалисене парса тӑрать. Нумай кирлӗ-и ватӑ ҫынна ҫакӑн пек вăхăтра? Сывлӑх та кӑшт тимлӗх пултӑр — юбиляршӑна ӑшшӑн та юратупа ҫавӑрса илнӗ Наталья хӗрӗпе Николай кӗрӳшӗнчен вӑл çакна пӗтӗмпех илет.

Роза ИВАНОВА,

Пишпÿлекри историпе этнографи музейĕн директорĕ.

Сăнÿкерчĕкĕ: Музейри парнелекенсен кунĕ, 2017 çул.

Тĕплĕнрех «Светлый путь» хаçатра вулăр.