Ачалӑх ӗмӗтне пурнӑҫланă

Лариса Елизаровна Мухаметова 43 ҫулхи стажпа Пишпÿлекри 3-мĕш вӑтам шкулта медицина сестри пулса ӗҫлет.
Професси медицина работникне ытти ҫынсенчен ĕçри шурӑ халатпа тата вӑл, яланхи йӑлапа, килнӗ ҫынран "мӗн пирки ӳпкелешетӗр?» классикӑлла ыйтупа ҫеҫ мар уйрăлса тăраççĕ. Вӗсенчен яланах эмел шӑрши кӗнӗ пек туйӑнать.
— Эпӗ Ермолкинра ҫуралнӑ, анчах Пишпÿлекре ӳснӗ те вӗреннӗ. Мӗн ачаранпах медработник пулма ӗмӗтленеттĕм. Яланах пуканесемпе "больницӑлла" выляма юрататтăм. Вӗсене сыватнӑ, укол тунӑ, пилюльăсем панӑ. Шкул хыççăн 1982 ҫулта Туймазăри медучилищĕран вĕренсе тухрăм. Ҫавӑнтах Пишпÿлекри тĕп район больницин ача ҫуратмалли уйрӑмне ӗҫе вырнаҫрăм Ун чухне пирӗн районта шăпах чӑн-чӑн "беби-бум" пулчĕ: кашни эрнере вуншар ача ҫуралатчĕ. Роддомра ҫуратакансене вырӑн та ҫитмесчĕ. Тепӗр чухне, паллах, хамӑн та çуралакан ачасене йышӑнма тиветчӗ, — тет Лариса Мухаметова.
Тӑватӑ ҫултан пирӗнпе калаçакан Валерий Мухаметова качча тухсан хӑй те ҫамрӑк анне пулса тӑнă. Пӗрин хыҫҫӑн тепри вӗсен тӑватӑ ача ҫуралнӑ: виҫӗ хӗрача тата ывӑл. Ҫапла вара, ӗҫ те, ҫемьери ӗҫсем те пӗр-пӗрин ҫумне ҫыпҫӑнса пынă. Лариса Елизаровна çичӗ ҫул операци сестринче вăй хунă, унтан ача-пӑча консультацийӗнче ӗҫлеме тытӑннă. Кирек ӑҫта ӗҫлесен те, вӑл хӑйне лайӑх енчен ҫеҫ кăтартса панă. Ҫавӑнпа та, райбольницӑра реанимаци уйрӑмӗ уҫӑлсан, Лариса Мухаметована йывӑр чирлисемпе ӗҫлеме чӗннӗ. Кунта та вӑл тивӗҫлӗ канӑва тухичченех ӗҫленӗ.
— Тĕрĕсне калас пулсан, манӑн тата кӑштах ӗҫлемелле пулчӗ, мӗншӗн тесен кӗҫӗн ачасене вӗрентмеллеччӗ, — тет Лариса Елизаровна. — Эпӗ вӗсене ура ҫине тӑратрӑм, тӑватӑ ачана та аслӑ пӗлӳ патӑм ӗнтӗ. Мӑшӑрланнӑ хыҫҫӑн 27 çултан юратнӑ упӑшка леш тӗнчене кайрĕ. Унӑн ҫурӑм шӑмми хуҫӑлнӑччĕ, ӑна вӑл лесничий пулса ӗҫленӗ чухне касса татнӑ йывӑҫ айне ӑнӑҫсӑр лексе амантнăччĕ. Ачасем вӗренсе тухса суйласа илнӗ профессипе дипломсем илнӗ. Вероника районти историпе этнографи музейӗнче ӗҫлет, Ираида районти ОГИБДДра, Игорь ывӑл Пишпÿлекри 2-мĕш вӑтам шкулта вӗрентет, Ирина Уфари ПР РФ МЧСĕн специалисчӗ пулса ӗҫлет. Манӑн Алиса мӑнук ҫитӗнет. Пӗлтӗр ман пата Пишпÿлекри 3-мĕш вӑтам шкул директорӗ Владислав Иосифович Петров медицина сестри пулса ӗҫлеме тухма ыйтрӗ. Эпӗ килӗшрӗм.
Ӗҫ ветеранӗ каланӑ тӑрӑх, ăна нумай Хисеп грамотисемпе тав ҫырӑвӗсемпе наградӑланӑ, ҫак пысӑк ҫӗнӗ вӗренӳ учрежденийӗнче хӑйӗн профессийӗпе ӗҫлеме ӑна килӗшет. Вӑл ачасене питӗ юратать. Ачасем те ҫакна туяҫҫӗ. Шкулти медицина блокӗ хальхи вӑхӑтри эмел препарачӗсемпе тата оборудованисемпе лайӑх пуянлатнӑ кабинетсенче пӗрремӗш хутра вырнаҫнӑ. Кунтах стоматологи кабинечӗ вырнаҫнӑ, унта ҫамрӑк специалист, ача-пӑча стоматологӗ Елизавета Устинова вӗренекенсен шӑлӗсене сиплет.
— Килте манӑн виҫӗ кушакпа йытӑ килӗштерсе пурӑнаҫҫӗ. Пӗр вунӑ чӑхпа автан пур. Чечек ӳстерме, апат-çимĕç пӗҫерме, ҫекӗлпе ҫыхма юрататӑп. Детективсем вулама тата телевизорпа сериал пӑхма юрататӑп. "Отрада" коллективне хутшӑнатӑп, — тет Лариса Елизаровна хӑйӗн киленĕвĕсен тӗнчине сăнласа парса.
Владимир СМОЛОВ.
Сӑнӳкерчӗкӗ: Владимир Смолов