Йăлпăлакри Оксана Юсупова патшалӑх наградине тивӗҫнӗ

Пирӗн ентеш Йăлпăлакра пурăнакан Оксана Геннадьевна Юсупова "Амӑш мухтавӗ" патшалӑх наградине тивӗҫнӗ. Ҫакӑн ҫинчен Артур Зарипов социаллă сетьсенчи хӑйӗн страницинче каласа панă.
"Ҫӗнӗ ҫул умӗнхи вӑхӑт лайӑх хыпарсемпе пуян. Акӑ паян та вӗсенчен пӗрне каласа паратӑп. Пирӗн ентеш Йăлпăлакра пурăнакан Оксана Геннадьевна Юсупова "Амӑш мухтавӗ" патшалӑх наградине тивӗҫнӗ. Мӑшӑрӗпе вӗсем сакӑр ача пӑхса ӳстереҫҫӗ. Ку пысӑк та йывӑр, анчах ҫав вӑхӑтрах ҫав тери савӑнӑҫлӑ ӗҫ. Атте-анне ӗҫӗ. Пурнӑҫ ҫине ҫавӑн пек пӑхни чӗререн савӑнтарать, хисеплет. Ҫавӑнпа та ку наградӑна тивӗҫлӗ. Эпӗ Юсуповсене ҫак савӑнӑҫлӑ пулăмпа пӗтӗм чӗререн саламлатӑп. Пур ӗҫре те ӑнӑҫу пултӑр, сирӗн килӗрте вара яланах юрату та килӗшӳ пултӑр!"

Сăнÿкерчĕкĕ: Артур Зариповăн социаллă сетьри страницинчен.
https://vk.com/arturzaripov74

материалĕсем тӑрӑх.