Ывӑлӗсемпе мăнаçланать

Пурлăкара пурăнакан нумай ачаллӑ аннен тата тӑрӑшуллӑ асаннен Елена Васильевна Егорован кунсерен тата куçа курăнман гражданла паттӑрлӑхне район администрацийӗн пуҫлӑхӗн тав ҫырӑвӗпе паллӑ тунӑ.
2024 ҫулхи районти социаллӑ пурнӑҫпа экономика аталанӑвӗн пĕтĕмлетес енӗпе ирттернĕ район Совечӗн отчетлӑ ларӑвӗнче тата 2025 ҫул валли задачӑсем лартас ӗҫе палӑртнӑ выступленийӗсене итленӗ хыҫҫӑн, районта пурӑнакансене наградӑсем панă. Район администрацийӗн пуҫлӑхӗн Тӑван çӗршыва шанчӑклӑ пулнин тĕсĕ пулса тӑнӑ, Тӑван çӗршыва хӳтӗлекен чӑн-чӑн граждансемпе ҫар тивӗҫне паттӑр пурнӑҫлакан ывӑлсене пӑхса ӳстернӗшӗн Тав ҫырӑвӗпе наградӑланӑ ҫынсем хушшинче Пăслăк ял совечӗн Пурлăка ялĕнчи нумай ачаллӑ анне Елена Егорова та пулнӑ. Эпир ун патӗнче хӑнара пултӑмӑр.
— Эпӗ паян хамӑн ачасемпе, мӑнуксемпе пурӑнакан тӑван ялта ҫуралса ӳснӗ, - паллашнӑ хыҫҫӑн эпир кӗтмен ҫӗртен килсе кӗнӗшӗн кӑштах именсе хӑй ҫинчен тата ачисем ҫинчен каласа парать Елена Васильевна. — Шкул хыҫҫӑн Уфара нефть колледжне пӗтертĕм те КПСС XXII съезчӗ ячӗллĕ нефть кӑларакан заводра ӗҫлерĕм. Яланлӑхах хула çынни пулатӑп тесе шутланӑччӗ, заводран пӗр пӳлӗмлӗ хваттер пама пулчӗҫ, анчах манӑн яланах темшӗн пӗчӗк тӑван ҫӗршыва каяс килетчӗ. Ҫапла пӗрре завод ҫине тата лайӑх ӗҫ укҫи ҫине алӑ султăм та киле таврӑнтăм. М.Горький ячĕллĕ колхоза доярка пулса вырнаҫрӑм. Вара тин лӑплантăм. Пурнӑҫ хӑй черечӗпе шурӗ. Качча тухрӑм та ачасене — тӑватӑ ывӑлпа пӗр хӗр пӑхса ӳстеретĕп. Паян тивӗҫлӗ канура пулатӑп. Килте хуҫалӑхра ӗне, ҫамрӑк тына, вуншар сурӑх тата чӑх усратпӑр. Пахча ҫимӗҫ туса илекен пысӑк пахча та пур пирӗн.
Елена Васильевнӑн 18 çулхи кӗҫӗн ывӑлӗ Алексей паян Пелепейри машинӑпа строительство колледжӗнче иккӗмӗш курсра программиста вӗренет. Унӑн аслӑ пиччӗшӗсем - ятарлӑ ҫар операцине хутшӑнакансем. Вӗсем иккӗшӗ те сроклӑ службӑра пулнӑ. Пӗри Инҫет Хӗвелтухӑҫӗнче сапер пулнӑ. Тепри - Курскра артиллерист.
— Вӑталӑх ывӑл ҫар хыҫҫӑн хӑй пурнăçне пӗтӗмпех ҫар ӗҫне парасшӑн пулчĕ. Вара вӑл, нумай шухӑшласа тӑмасӑрах, Оборона министерствипе контракт ҫине алӑ пусрӗ. Ку вӑл пӗлтӗрхи çу уйӑхӗнче пулса иртрӗ. Вӑл артиллерире, - малалла калать Елена Егорова, икӗ ывӑлӗн награда материалӗсене кӑтартса. — Тепӗр ывӑла 2022 ҫулта мобилизацилерĕç. Вӑл передовойран икӗ хутчен отпуска килсе кайрĕ. Унăн çар службинче лайӑх служит тунăшăн патшалӑх наградисем пур. Вӗсем пурте пирӗн килте. Ӑна Георгий
Жуков маршал медалӗпе, "Çар паттӑрлӑхӗ" медальпе тата "Çапӑҫу ветеранӗ" медальпе наградӑланӑ. 2024 ҫулхи февралӗн 23-мӗшӗнче часть командирӗ Александр Могильник хӑйне пӑхӑнса тӑракан сержанта "ҫар тивӗҫне тӳрӗ кӑмӑлпа пурнӑҫланӑшӑн, ӑслӑ пуҫарулӑхшӑн, районти кулленхи çар задачисене пурнӑҫланӑ чухне палӑрнӑ службӑшӑн, тӑрӑшнӑшӑн" Хисеп грамотипе наградӑланӑ, ӑна пысӑк уяв ячӗпе пӗрле ӗҫлекенсем умӗнче чаплӑ йӗркепе тӑратнӑ чухне панӑ.
Ывӑлӗсен ҫар наградисене нумай ачаллӑ анне стена ҫине тирпейлӗн ҫакса хунă. Вӗсем ҫине тӳрех куç лекет. Акӑ Пушкӑрт Республикин Пуҫлӑхӗ Радий Хабиров патне А.Р. Булатов гварди полковникрен, Суворов орденӗн 506-мĕш гварди мотострелковӑй полкӗн командирӗнчен, хальхи вӑхӑтра вӑтам ывӑлĕ службӑра тӑракан ҫар чаҫӗнчен янӑ Тав ҫырӑвӗн копийӗ. Акӑ мӗн ҫырнӑ кунта: "Хисеплӗ Радий Фаритович! Сирӗн ентешӗр халӗ пирӗнпе пӗрле ӗҫленӗшӗн тата хӑйӗн ҫар ӗҫӗпе пирӗн Ҫӗнтерӗве ҫывхартнӑшӑн тав тӑватӑп сире. Максим малтанхи кунсенчех хӑйне хамӑр Тӑван çӗршыва хӳтӗлеме тӳрӗ кӑмӑлпа тӑнӑ шанчӑклӑ юлташ пек кӑтартрӗ. Шӑпах ҫавӑн пек лайӑх ҫар ҫыннисенчен — хӑйсен ӗҫне хутшӑнакансенчен — ҫӗршывӑн кадр резервӗ йӗркеленет". Тӑрӑшуллӑ та юратакан амӑшӗ аслӑ ывӑлӗн икӗ пӗчӗк ывӑлне хӑй хÿттине илни те тӗлӗнтерчӗ. Ку Пăслăкри "Солнышко" ача садне çÿрекен пилӗк ҫулхи Святослав тата ҫулталӑкри Алик. Вӗсем иккӗшӗ те хӑйсен ытарайми асламӑшне юратаççĕ. Волчок ятлӑ кушакпа выляма юратаҫҫӗ. Амӑшне килти хуҫалӑха тытса пыма, пысӑках мар, анчах питӗ тирпейлӗ ялти çурта тирпейлеме К.Иванов ячӗллӗ Пăслăкри вӑтам шкулти 9-мĕш класра вӗренекен София хӗрӗ пулӑшать.
— Мирлӗ вӑхӑтра ывӑлсене килентерекенни техника пулса тăрать, - тет юлашкинчен Елена Васильевна. - Килте хамăр тунӑ трактор, мотоблок тата ҫӑмӑл автомобиль пур. Пулӑ тытасси, паллах, ҫулталӑкӗпех хобби, унта вӗсене результат мар, процесс килентерет. Манӑн чи юратнӑ ĕç — килтисем валли нускисемпе свитерсем ҫыхасси, ҫӗрулмипе купӑста кукăлĕ пӗҫересси.
Владимир СМОЛОВ.
Сӑнӳкерчӗкӗсем: Владимир Смолов