Путин «Мать-героиня» ята тивӗҫнӗ хӗрарӑмсемпе тӗлпулу ирттерет

 

#владимирпутин 

Раҫҫей Президенчӗ Владимир Путин кӗҫнерникун «Мать-героиня» хисеплӗ ята тивӗҫнӗ амӑшӗсемпе тата «Родительская слава» орденпа наградӑланӑ ҫемьесемпе тӗлпулу ирттерет, пӗлтерет Кремль пресс-служби.

«Майӑн 29-мĕшĕнче Пӗтӗм тӗнчери ачасене хӳтӗлемелли кун умӗн Владимир Путин видеоҫыхӑнупа «Мать-героиня» хисеплӗ ята тивӗҫнӗ амӑшӗсемпе тата «Родительская слава» орденпа наградӑланӑ ҫемьесемпе тӗлпулу ирттерӗ,» - тенӗ пӗлтерӳре. Мероприятие Свердловск облаҫӗнчен, Крымран, Рязань тата Калининград облаҫӗсенчен, Ингушетирен, Пенза тата Кемерово облаҫӗсенчен, Еврей автономи облаҫӗнчен тата Запорожьерен тӑхӑр ҫемье хутшӑнӗ.          

«Родительская слава» орденпа ҫичӗ е ытларах ача пӑхса ӳстерекен,  вӗсен сывлӑхӗшӗн, вӗренӳ, ӳт-пӳ, ӑс-хакӑл тата кӑмӑл-сипет аталанӑвӗшӗн тивӗҫлӗ шайра тӑрӑшакан ашшӗ-амӑшсене наградӑлаҫҫӗ. «Мать-героиня» ята вунӑ е ытларах ача ҫуратнӑ тата пӑхса ӳстернӗ амӑшӗсене параççĕ.

 

Новости РИА.