«Пысӑк çемье вӑййисем. Пӗрремӗшсен çемйисем»

Пишпÿлекри 1-мĕш вăтам шкулта «Пысӑк ҫемье вӑййисем» шкул тапхӑрӗ иртнӗ.

Пишпÿлекри 1-мĕш вăтам шкулта «Орлята России» проектпа килӗшӳллӗн йӗркеленӗ «Пысӑк ҫемье вӑййисем» шкул тапхӑрӗ иртнӗ.

Вӑйӑсене пултарулӑх, спорт тата эрудициллӗ ҫемьесем хутшӑннă: Леонтьевсен çемйи (2«а» класс), Кадыровсен ҫемйи (2«б» класс), Ямаевсен ҫемйи (2«б» класс), Даниловсен ҫемйи (3«а» класс), Вариковсен ҫемйи (3«б» класс).

Пур заданисене те «Орлята России» программӑн трекӗсем тӑрӑх тунӑ.

«Орленок-Лидер» трек: кашни команда хӑйӗн ҫемйипе паллаштарнă.

«Орленок-Эрудит» трек: хутшӑнакансен викторинӑн кӑткӑс ыйтӑвӗсене хуравламалла пулнӑ.

«Орленок-Мастер» трек: командӑсен ал ӗҫӗсене пурнӑҫламалла пулнӑ.

«Орленок-Доброволец» трек: командӑсем медальсем ӑсталанӑ, унтан хутшӑнакансем вӗсене пӗр-пӗринпе ылмаштарнӑ.

«Орленок-Спортсмен» трек: хутшӑнакансем «Хаваслӑ стартсенче» тупӑшнă.

Командӑсем хӑйсене чаплӑ кӑтартнă — пултарулӑх конкурсӗсенче те, спорт тӗрӗслевӗсенче те, тавҫӑрулӑх заданийӗсенче те.

Хутшӑнакансене пулӑшма тӑванӗсемпе вӗсен класс ертӳҫисем килнӗ: З.Н.Федорова, Н.А.Чернова, Т.С. Федотова тата А.Х. Джураева.

Ҫӗнтерӳҫе тупса палӑртма ҫӑмӑл пулман - кашни ҫемье питӗ лайӑх кӑтартусем кӑтартнӑ!

Ҫӗнтерӳҫӗ - Ямаевсен ҫемйи, вӑл шкул чысне конкурсӑн районти тапхӑрӗнче хÿтĕлӗ.

Мӗнпур хутшӑнакана, вӗсен ашшӗ-амӑшĕсене тата педагогсене хастарлӑхшӑн, пуҫарулӑхшӑн тата пулӑшушӑн пысӑк тав!

Эсир — туслӑхпа пӗр-пӗрне пулӑшни ҫемьене вӑйлӑ, шкула пӗрлешӳллӗ тунин тӗслӗхӗ!