Çакăн пек çемье пур

Пишпӳлек ялӗн варринче, Яков Ухсай урамӗнче, Сергеевсен тӗлӗнмелле ҫемйи — Виталий Петровичпа Алефтина Ивановна пурӑнать. Ҫемье пуҫӗ, Виталий Петрович — МВД ветеранӗ, вӗсен пӗтӗм ҫемйи вара — чӑн-чӑн асамҫӑсем, вӗсем 20 ҫул ытла пӗтӗм района уяв парнелеҫҫӗ!

Кашни ҫул вӗсен килӗ умӗнчи территори юмахри юрлӑ хулана ҫаврӑнать. Кунта капӑр чӑрӑш та, хаваслӑ юр кӗлеткисем те пур, чи кирли — тӑвайкки, унран пур ача та савӑнать. Тӗп илемлĕх вара яланах ҫитес ҫул символӗ пулса тӑрать. Хальхинче пурне те юланутлӑ мӑнаҫлӑ лаша юр кӗлетки кӗтсе илет.

Йӑлана кӗнӗ тӑрӑх, Ҫӗнӗ ҫула Сергеевсем пӗтӗм урамĕпе — йӑлтӑркка чӑрӑш умӗнче, уяври пӑрлӑ сӗтел хушшинче кӗтсе илеҫҫӗ.

Канмалли кунсемпе шкул каникулĕсем иртрĕç, алăк умӗнче кивӗ Ҫӗнӗ ҫул ӗнтӗ. Анчах гирляндăсем тата Яков Ухсай урамӗнчи ҫак асамлӑ хула тӗлӗнтермӗш туйӑмсене манма памаҫҫӗ. Ҫӑварни ҫитичченех ача-пӑчан янӑравлӑ сассисем, савӑнӑҫлӑ кулӑ янӑраса тӑрӗ кунта, юрлӑ тӑвайкки вара таврари пур урамри ачасене те хаваслӑх тинӗсӗ парнелессине малалла тӑсӗ.

Тавтапуҫ сире, Виталий Петровичпа Алефтина Ивановна, сирӗн ӑшшӑн, ӗҫӗршӗн тата чӑн-чӑн Çӗнӗ ҫул юмахӗшӗн! Уявра чи кирли — савӑнӑҫпа пайланма пӗлни пулнине пурне те аса илтеретӗр.

Сăнÿкерчĕкĕсем: Пишпÿлек район администрацин социаллă сетьри страницинчен.

https://vk.com/officialbiz?from=groups