Пишпÿлек çар комиссариачĕ малти вырăн йышăннă

Кӑҫалхи ноябрӗн 30-мӗшӗнче Пушкăртстанăн тӗп хулинче, ПР ҫар комиссарӗн аллинчен чаплӑ лару-тӑрура Пишпӳлек районӗнчи ҫар комиссариачӗн коллективĕ вымпел-штандарт, 2021 ҫулӗн итогӗсем тӑрӑх мобилизаци хатӗрлӗхĕнче тата служба ӗҫ-хӗлӗ енӗпе тунӑ ҫитӗнӳсемшӗн пӗрремӗш вырӑн йышӑннӑшӑн Хисеп грамоти илнĕ.

— Республика ҫар комиссарӗ Пишпÿлек район ҫар комиссариачӗ хӑйӗн служба тивӗҫӗсене пурнӑҫлассинче малашне те пысӑк яваплӑх туйса ĕçлессине шаннине пĕлтерчĕ. Ҫавӑн пек пысӑк шанӑҫа тӳрре кӑларма тӑрӑшӑпӑр. Эпир позицие пама хӑнӑхман, — тет район çар комиссарĕ Валерий Шарифуллин.

Владимир СМОЛОВ.

Сăнÿкерчĕкĕ: Владимир СМОЛОВ.

Тĕплĕнрех «Светлый путь» хаçатра вулăр.