Радий Хабиров Пушкӑртстанри чи лайӑх ҫӗр ӗҫченӗсене вунă автомобильпе наградӑланӑ

Пушкӑрт Пуҫлӑхӗ Радий Хабиров "Лада Гранта" автомобильсен уҫҫисене вунă комбайнера, тырпул пухса кӗртес ӗҫре чи лайӑххисене панă. Республикӑри чи лайӑх ҫӗр ӗҫченӗсене Уфари "Торатау" конгресс-холлра, ялхуҫалӑх ӗҫченĕсене тата тирпейлекен промышленноҫ кунне уявланӑ вӑхӑтра наградӑланӑ.
Регион ертӳҫи пӗлтернӗ тӑрӑх, тырпул пухса кӗртес ӗҫре Стерлитамак районӗн аграрийӗсем 300 пин ытла тонна тырӑ ҫапнӑ абсолютлӑ лидерсем пулса тӑнă. Республикӑри тата ултӑ район 200 пин тоннӑран пĕрремĕш хут иртнĕ.
"Башинформ" информацийĕпе.
Сăнӳкерчӗкĕ: Олег Яровиков.